قىركۇيەك ايىنىڭ باسىندا جىلى اۋا رايى ساقتالعانىمەن، ەلىمىزدىڭ باتىسىندا جانە وڭتۇستىك-شىعىسىندا اۋا رايى جاڭبىرلى بولادى دەپ حابارلايدى Qamshy.kz  اقپارات اگەنتتىگى قازگيدرومەتكە سىلتەمە داساي وتىرىپ.

الدىن الا بولجامعا سايكەس، كەلەسى اپتادا سۋىق اۋا ماسساسىنىڭ كەلۋىمەن قازاقستاننىڭ بارلىق اۋماقتارىندا نايزاعاي كۇركىرەپ، جاڭبىر جاۋىپ، اۋا تەمپەراتۋراسى بىرتە-بىرتە تومەندەيدى دەپ كۇتىلۋدە.

قىركۇيەكتىڭ 4-7 كۇندەرى باتىستا تۇندە 12-20 گرادۋس جىلى، كۇندىز 20-28 گرادۋسقا دەيىن جىلى بولسا، 6-8 قىركۇيەك ارالىعىندا ەلىمىزدىڭ سولتۇستىگىندە جانە ورتالىعىندا، 8-10 قىركۇيەكتە شىعىستا تۇندە 7-15 گرادۋس جىلى، ال كۇندىز 17-25 گرادۋسقا دەيىن جىلى بولادى.

6-8 قىركۇيەك ارالىعىندا وڭتۇستىكتە تۇندە 12-20 گرادۋس جىلى، كۇندىز 22-30 گرادۋسقا دەيىن جىلى، ال 8-10 قىركۇيەك ارالىعىندا وڭتۇستىك-شىعىستا تۇندە 10-18 گرادۋس جىلى، ال كۇندىز 20-28 گرادۋسقا دەيىن جىلى بولماق.

ورتالىق ازيا ايماقتارىنان جىلى اۋا ماسساسىنىڭ كەلۋىمەن اۋا تەمپەراتۋراسى قايتادان بىرتە-بىرتە جوعارىلايدى: سولتۇستىكتىڭ كەيبىر بولىگىندە كۇندىز 22-30 گرادۋسقا دەيىن جىلى، وڭتۇستىكتىڭ كەي بولىگىندە كۇندىز 27-35 گرادۋسقا دەيىن جىلى بولادى. الدىن الا بولجام بويىنشا، قارقىندى سالقىن تولقىندارى ايدىڭ ءۇشىنشى ونكۇندىگىندە كۇتىلىپ وتىر. ەلىمىزدىڭ سولتۇستىگىندە جانە شىعىسىندا جاڭبىر جاۋىپ، ارتى سۋلى قارعا اينالۋى مۇمكىن. اۋا تەمپەراتۋراسى تومەندەيدى: سولتۇستىكتىڭ كەي اۋداندارىندا تۇندە 3 گرادۋس اياز جانە +5 گرادۋس اراسىندا، ال كۇندىز 7-15 گرادۋس جىلى بولادى. ال وڭتۇستىكتىڭ جارتى بولىگىندە تۇندە 2-10 گرادۋس جىلى، كۇندىز 17-22 گرادۋس جىلى بولادى.