كاتالوندىق «بارسەلونانىڭ» شابۋىلشىسى ليونەل مەسسي كلۋبپەن كەلىسىمشارتىن ۇزارتۋعا نيەتتى ەمەس. Onda Cero باسىلىمىنىڭ حابارلاۋىنشا، شابۋىلشى كوماندادان كەتۋدى كوزدەپ وتىر دەپ جازادى Qamshy.kz اقپارات اگەنتتىگى. 

باسىلىمنىڭ مالىمەتى بويىنشا، مەسسي 2018 جىلى ەركىن اگەنت رەتىندە «بارسەلونادان» كەتۋدى ويلاستىرىپ وتىر ەكەن.

شىلدە ايىنىڭ ورتاسىندا كاتالونيالىق كلۋبتىڭ پرەزيدەنتى حوسەپ بارتومەۋ كلۋب ارگەنتينالىق شابۋىلشىمەن كەلىسىمشارتتى ۇزارتۋ تۋرالى كەلىسىمگە كەلگەنىن حابارلاعان ەدى. مۇنداي مالىمدەمەنى كەشە كلۋب ديرەكتورى البەرت سولەر دە ايتتى. ءبىراق كلۋب پەن شابۋىلشى كەلىسىمشارتتى ۇزارتۋ تۋرالى كەلىسىمگە ءالى كەلمەگەن.

باسىلىم مەسسيدىڭ قازىرگى كلۋب باسشىلىعىنا كوڭىلى تولمايتىنىن ايتىپ، ەگەر باسشىلىق اۋىسپاسا، كەلەر جىلى كوماندادان كەتەتىنىن جازادى.

ەسكە سالايىق، 30 جاستاعى شابۋىلشى كاتالونيالىق كلۋبتىڭ ساپىندا 2000 جىلدان بەرى ونەر كورسەتىپ كەلەدى. وسى ۋاقىتتىڭ ىشىندە ول ءتورت رەت «التىن دوپتى» سەگىز رەت يسپانيا بىرىنشىلىگىن، بەس رەت يسپانيا كۋبوگىن، ءتورت رەت چەمپيوندار ليگاسىن جەڭىپ العان. جالپى، كلۋبتىق دەڭگەيدە مەسسي «بارسەلونامەن» 30 كۋبوك ەنشىلەگەن.

ايتا كەتەيىك، مەسسيدىڭ «بارسەلونامەن» كەلىسىمشارتى 2018 جىلدىڭ 30 ماۋسىمىندا اياقتالادى.