دجوشۋا مەن پۋليەۆ 28 قازاندا كەزدەسەدى، - دەپ حابارلايدى Qamshy.kz اقپارات اگەنتتىگى vesti.kz سايتىنا سىلتەمە جاساي وتىرىپ.

ەنتوني دجوشۋا مەن بولگارلىق كاسىپقوي بوكسشى كۋبرات پۋليەۆ اراسىنداعى جەكپە-جەك 28 قازان وتەتىن بولدى.

IBF تيتۋلىنىڭ بەلبەۋىنە باستى ۇمىتكەر كۋبرات پۋليەۆ پەن IBO، IBF ي WBA (Super) تۇجىرىمى بويىنشا، الەم چەمپيونى ەنتوني دجوشۋا 28 قازان كۇنى كارديفتە جەكپە-جەك وتكىزەتىن بولدى. بولگاريالىق بوكسشى ءوزىنىڭ فەيسبۋكتەگى پاراقشاسىنا كەزدەسۋ جايلى ويىن بىلدىرگەن ەكەن. ول ءوز سوزىندە «ەنتوني وتە ءقاۋىپتى جانە اتاقتى قارسىلاسىمنىڭ ءبىرى. ونىڭ جۇدىرىقتاسۋ مانەرى ماعان وتە قولايلى. ءبىزدىڭ جەكپە-جەكتە كلينچ دەگەن مۇلدەم بولمايدى، تازا اشىق ايقاستىڭ كۋاسى بولاسىزدار. مەن جەكپە-جەككە ساقاداي ساي بولىپ، دجوشۋاعا ەش مۇمكىندىك بەرمەيمىن»، – دەيدى پۋليەۆ.

كۋبرات پۋليەۆ شارشى الاڭدا  25 كەزدەسۋدىڭ 13ء-ىن ۋاقىتىنان بۇرىن اياقتاپ، ءبىر كەزدەسۋدە جەڭىلىسكە ۇشىراسا، دجوشۋا 19 جەكپە-جەگىنىڭ بارلىعىن نوكاۋتپەن ۇتقان.

ەستەرىڭىزگە سالا كەتەيىك، ەنتوني دجوشۋا سوڭعى كەزدەسۋىن ءساۋىر ايىندا ۋكراينالىق ۆلاديمير كليچكوعا قارسى وتكىزىپ، 11 راۋندتا تەحنيكالىق نوكاۋتپەن جەڭىسكە جەتكەن بولاتىن.