وڭىرلەردىڭ الەۋمەتتىك-ەكونوميكالىق دامۋى جانە مەملەكەتتىك باعدارلامالاردىڭ ىسكە اسىرىلۋى بويىنشا كوكشە تورىندە وتكەن كەلەلى كەڭەستە ەلباسى نۇرسۇلتان نازاربايەۆ اكىمدەرءدىڭ الدىنا ءبىرقاتار ماسەلەلەردى قويعان بولاتىن. وسىعان وراي اكىمدىكتە ارنايى جيىن ءوتىپ، وبلىس اكىمى اماندىق باتالوۆ وبلىستىق باسقارمالار مەن دەپارتامەنتتەردىڭ باسشىلارىنا، اۋدان، قالا اكىمدەرىنە بىرنەشە تاپسىرما بەردى.
– بيىلعى جىلدىڭ وتكەن 7 ايىنىڭ الەۋمەتتىك-ەكونوميكالىق دامۋ قورىتىندىسى شىعارىلدى. ءبىزدىڭ الدىمىزدا بىرنەشە ماڭىزدى تاپسىرما تۇر. مەملەكەتتىك «نۇرلى جەر» جانە «نۇرلى جول» باعدارلامالارىنىڭ ورىندالۋى ەلباسىنىڭ ەرەكشە باقىلاۋىندا. سول سەبەپتى، وسى جانە وزگە دە باعىتتار بويىنشا جۇمىستاردى قارقىندى ءجۇرگىزۋ قاجەت. مەملەكەتتىك-جەكەمەنشىك ارىپتەستىك مەحانيزمدەرىن قولدانۋ ماسەلەسىندەگى، سونىڭ ىشىندە دەنساۋلىق ساقتاۋ سالاسىندا وسى مەحانيزمءدى قولدانۋدا بەلسەندى جۇمىستار جۇرگىزۋىمىز كەرەك.وڭىرگە ينۆەستيسيا تارتۋ دا ەرەكشە نازاردا. سوندىقتان دا، اۋدان، قالا اكىمدەرى مەن باسقارما جانە دەپارتامەنت باسشىلارىنا وسى اتالعان تاپسىرمالاردى ورىنداۋدا ۇلكەن جاۋاپكەرشىلىك تانىتۋىن سۇرايمىن. اتالعان باعىتتاردىڭ ورىندالۋى ءاربىرىڭىزدىڭ اتقارعان جۇمىستارىڭىزدىڭ ايقىن كورسەتكىشى بولىپ تابىلادى، – دەدى وبلىس باسشىسى.
جيىن بارىسىندا وبلىس اكىمى «رۋحاني جاڭعىرۋ» باعدارلاماسىن ورىنداۋعا ەرەكشە نازار اۋدارۋ قاجەتتىگىن دە اتاپ ءوتتى.
اماندىق عابباس ۇلى وبلىستىق ىشكى ساياسات باسقارماسىنىڭ باسشىسى مەن وسى سالاعا جەتەكشىلىك ەتەتىن ورىنباسارىنا:
– وبلىستا «رۋحاني جاڭعىرۋ» باعدارلاماسىن ىسكە اسىرۋ باعىتىندا قولعا الىنعان جۇمىستاردى جانداندىرۋ قاجەت. بىزدە كوپ مۇمكىنشىلىكتەر بار، الايدا بەلسەندىلىك تانىتۋ جاعى اقساپ تۇر. ىستەلىپ جاتقان جۇمىستارىڭىزدا ناقتىلىق بايقالمايدى. جاڭاشا كوزقاراسپەن قاراپ، ءتيىستى شارالار قابىلداڭىزدار، – دەي كەلە «رۋحاني جاڭعىرۋ» باعدارلاماسىن جۇزەگە اسىرۋ ماقساتىندا ارنايى اشىلعان تالدىقورعان قالاسىنداعى وبلىستىق جوبالىق كەڭسە جۇمىسىن قايتا قاراپ شىعۋدى تاپسىردى.
جالپى وبلىسىمىزدا «رۋحاني جاڭعىرۋ» باعدارلاماسى بويىنشا 108 جوبا جاسالىپ، جۇزەگە اسۋدا. ونىڭ ىشىندە «تۋعان جەر»، «اتامەكەن» باعىتى بويىنشا 21 جوبانى ىسكە اسىرۋ كوزدەلىپ وتىر. ونىڭ ەڭ ءىرىسى ەڭبەكءشىقازاق، كەربۇلاق اۋداندارىندا جۇزەگە اسپاق. ەلباسىنىڭ ۇندەۋىن قولداعان وسى اۋداننىڭ كاسىپكەرلەرى ءوز باستامالارىمەن مادەنيەت جانە دەمالىس ساياب ا قتارىن قورشاپ، قوسىمشا ءبىلىم بەرۋ ورتالىقتارىن اشۋدى، كومپيۋتەرلىك ساۋاتتىلىق، اعىلشىن ءتىلى بويىنشا جاستاردىڭ ءبىلىمىن ارتتىرۋدى كوزدەپ وتىر. سونىمەن قاتار ۇلكەن ءبىر جوبا قاراساي اۋدانىندا جۇزەگە اسىپ، قىركۇيەك ايىنىڭ باسىندا «باتىر بابالار» اتتى مۋزەي-كەشەنى اشىلماق. جىل سوڭىنا دەيىن جۇزەگە اساتىن 21 جوباعا كەتەءتىن قاراجات 2 ملرد. تەڭگەنى قۇراپ وتىر.
قولعا الىناتىن تاعى ءبىر جوبا – تالحيز، قويلىق سىندى كونە قالالار مەن بەسشاتىر قورىمىنا ارحەولوگيالىق قازبالار جۇرگىزىپ، اسپاناستى مۋزەيىنە اينالدىرۋ. بۇل بويىنشا بۇگىندە قۇجاتتاندىرۋ جۇمىستارى جۇرگىزىلۋدە.
«رۋحاني جاڭعىرۋ» باعدارلاماسى بويىنشا جۇمىستاردى سارالاعان وبلىس باسشىسى ءالى دە جوبالاردى جەءتىلءدىرۋ، بالالار ءۇشىن جاڭا ءدۇنيەلەر ويلاپ تاۋىپ، اۋلالاردى حالىقتىڭ ساناسىنىڭ جاڭعىرۋىنا اسەر ەتەتىندەي قازاقى ۇلگىدە ساندەۋ سىندى وزگەشە ىزدەنىستىڭ قاجەتتىگىن اتاپ ءوتتى. اۋدان اكىمدەرىنە دە وسى ىسكە ايرىقشا ءمان بەرۋدى تاپسىردى. اتالمىش باعدارلاما بويىنشا قاراجات كولەءمى كەلەر جىلى 1 ملرد. تەڭگەگە ۇلعايتىلاتىنىن دا جەتكىزدى.
الما ەسەنبايەۆا
