استانا قالاسىنداعى «سارىارقا» ۆەلوترەگىندە قانات يسلام - برەندون كۋك جەكپە-جەگى اياسىنداعى بوكس كەشى اياقتالىپ كەلەدى، دەپ جازادى Qamshy.kz.

بوكس كەشىنىڭ اندەركارتىندا سوڭعى بولىپ جانقوش تۇراروۆقا قارسى برۋنو لەوناردو رومەي قازاقى شاپانمەن شىقتى. ونىڭ قارسىلاسى ارگەنتينالىق برۋنو لەوناردو رومەي كاسىپقوي بوكس شارشى الاڭىندا 25 كەزدەسۋ وتكىزىپ، 21 كەزدەسۋىندە جەڭىسكە جەتكەن. جانقوش تۇراروۆ بولسا كاسىپقوي رينگتە 21 كەزدەسۋ وتكىزىپ، بارلىعىندا جەڭىسكە جەتكەن. 15 كەزدەسۋىندە وتانداسىمىز قارسىلاسىن نوكاۋتقا تۇسىرگەن. جانقوش تۇراروۆ پەن برۋنو لەوناردو رومەي اراسىنداعى كەزدەسۋ 10 راۋندقا سوزىلدى. قوس بوكسشى دا العاش رەت 10 راۋندقا دەيىن بوكستاستى.

كەيىنىرەك سۇحبات بەرگەن جانقوش تۇراروۆتىڭ 6-ىنشى راۋندتا قولىن سىندىرىپ العانى بەلگىلى بولدى.

ايتا كەتەيىك، جارتىلاي ورتا سالماقتا جۇدىرىقتاساتىن جانقوش تۇراروۆ WBA رەيتينگىندە 10-شى ساتىدا.

ەسكە سالساق، 26 جاستاعى جەرلەسىمىز جانقوش تۇراروۆ 2 اپتا بۇرىن Qamshy.kz اقپارات اگەنتتىگىنە سۇحبات بەرگەن بولاتىن. وندا «قارسىلاسىم مىقتى. ءبىراق ەل نامىسى ءۇشىن ەسەمدى جىبەرمەيمىن!» دەگەن ول، «اللاعا شۇكىر دەيمىن، 21 كەزدەسۋ وتكىزىپ، ءبارىن جەڭىسپەن اياقتادىم. جەڭىستەرىمنىڭ ەشقانداي سىرى جوق. تۇبىندە ماڭداي تەرىم اققان قانشاما ەڭبەك، قيىندىق جاتىر. پسيحولوگيالىق، مورالدىق تۇرعىدا ءوز-وزىڭدى شىڭداپ، دايىنداپ، جاتتىعىپ، قيىندىقتاردىڭ ءبارىن وتكەرىپ جۇرگەن جايىمىز بار. سونىڭ ءبارىن اللانىڭ ءوزى كورىپ، بىزگە جەڭىس سىيلاپ جاتقان بولار.

مەنى بيىككە، جەڭىسكە جەتەلەيتىن – اكە-شەشەم، اجەم، جۇبايىم، باۋىرلارىم. سولارعا قاراپ ومىرگە دەگەن قۇلشىنىسىم ودان سايىن ارتا تۇسەدى. مەنى جەڭىسكە جەتەلەيتىن – وسى كىسىلەر»، - دەگەن ەدى ءوزىنىڭ جەڭىستەرىنىڭ سىرىمەن ءبولىسىپ.

ايتا كەتەتىن بولساق، كەشتىڭ العاشقى جەكپە-جەگىن مەيىرىم نۇرسۇلتانوۆ پەن برازيليالىق يسماەل بۋەنو باستاپ، كاسىپقوي رينگتە 3 جەكپە-جەك وتكىزىپ، ەكەۋىن جەڭىسپەن اياقتاعان جەرلەسىمىز العاشقى سەكۋندتاردا-اق، قارسىلاسىن تىقسىرىپ تاستادى.

ەكىنشى بولىپ شارشى الاڭعا كوتەرگەن ديماش نيازوۆ ەدۋاردو پەرەيرا دوس رەيشپەن قولعاپ ءتۇيىستىرىپ، قارسىلاسىن تورەشىلەردىڭ بەرگەن باعاسى بويىنشا 2:1 ۇپاي سانىمەن جەڭدى.

ءۇشىنشى بولىپ شارشى الاڭعا ايدوس ەربوسىن ۇلى مەن ارگەنتينالىق قارسىلاسى شىعا سالا قۋالاپ ءجۇرىپ سابادى.

10 راۋندتان تۇراتىن ءتورتىنشى جەكپە-جەككە 20 بوكسىندا 18 جەڭىسىنىڭ 7ء-سىن نوكاۋت جاساعان امەريكالىق توماس دجاستين بەريلل مەن قانداسىمىز ءالي احمەدوۆ شىقتى. ءالي احمەدوۆ 8 راۋندتا قارسىلاسىن 2 رەت قۇلاتىپ، جەڭىسكە جەتتى.

قانات يسلاممەن بىرگە ءبىر اي دايىندالعان نۇرسۇلتان جاڭابايەۆ شىعا سالا الەكس ساندرو دۋارتەنى ۇرىپ قۇلاتتى. نۇرسۇلتان جاڭابايەۆ العاشقى كەزدەسۋىندە-اق WBA چەمپيوندىق بەلدىكتەرىنىڭ ءبىرىن يەلەنگەن.

التىنشى جەكپە-جەكتە رۋسلان مىرساتايەۆ پەن اندرەس ماتياس اففرانيل شىعىپ، قارسىلاسى رۋسلاننىڭ سوققىسىنا شىدايماي 4 راۋندتا سوققىعا شىداماي سەرەيىپ قۇلادى.

شارشى الاڭنىڭ جەتىنشى جۇبى 2013 جىلعى الەم چەمپيونى، ريو وليمپياداسىنىڭ قاتىسۋشىسى جانىبەك ءالىمحان ۇلى مەن جيلبەرتو پەرەيرا دوس سانتوس تا جەرلەسىمىزدىڭ پايداسىنا شەشىلدى.

بوكس كەشىن «Qazaqstan» جانە «Qazsport»  تەلەارنالارى تىكەلەي ەفيردە كورسەتتى.