بۇگىن قازاقستاننىڭ باسىم بولىگىندە اتموسفەرالىق اعىنداردىڭ وتۋىنە بايلانىستى جاۋىن-شاشىن كۇتىلەدى دەپ حابارلايدى Qamshy.kz اقپارات اگەنتتىگى قازگيدرومەتكە سىلتەمە جاساي وتىرىپ.

تەك وڭتۇستىكتە،  سولتۇستىك-باتىستا جانە ورتالىقتا جاۋىن-شاشىنسىز اۋا رايى ساقتالادى. ەلىمىزدىڭ كەي جەرىندە تۇمان، جەلدىڭ كۇشەيۋى، وڭتۇستىك جانە وڭتۇستىك باتىستا شاڭدى داۋىل كۇتىلەدى.

قىزىلوردا وبلىسىنىڭ كەي جەرلەرىندە جەل 15-20، ەكپىنى 23 م/س دەيىن، كۇندىز كەي جەرلەردە شاڭدى داۋىل سوعۋى ىقتيمال. جامبىل وبلىسىندا تۇندە كەي جەرلەرىندە تۇمان، جەلدىڭ 15-20، ەكپىنى 23 م/س دەيىن كۇشەيۋى كۇتىلەدى. ماڭعىستاۋ وبلىسىندا تۇندە كەي جەرلەردە نايزاعاي بولادى، كەي جەرلەردە شاڭدى داۋىلمەن قاتار جەلدىڭ ەكپىنى 15-20، كۇشەيىپ 25 م/س دەيىن جەتۋى مۇمكىن.

الماتى، وڭتۇستىك قازاقستان، اتىراۋ، باتىس قازاقستان، اقتوبە وبلىستارىنىڭ كەي جەرلەرىندە جەل 15-20 م/س بولادى، اتىراۋ وبلىسىندا ەكپىنى 25 م/س دەيىن جەتەدى. قوستاناي، شىعىس قازاقستان وبلىستارىندا كەي جەرلەرىندە تۇمان، جەل 15-20 م/س كۇشەيەدى.

اقمولا، قاراعاندى وبلىستارىنىڭ كەي جەرلەرىندە تۇمان ءتۇسۋى كۇتىلەدى. سولتۇستىك قازاقستان، اقمولا، پاۆلودار، قاراعاندى، شىعىس قازاقستان جانە اقتوبە، قوستاناي وبلىستارىنىڭ كەي جەرلەرىندە تۇندە 1-6 گرادۋسقا دەيىن سۋىتادى.