استانا اكىمدىگى مالىمدەگەندەي، قازىرگى ۋاقىتتا استانانىڭ ەنەرگيا كوزدەرى، ينجەنەرلىك جەلىلەرى مەن تىرشىلىك ەتۋدى قامتاماسىز ەتۋ نىساندارى 2017-18 جىلدارداعى جىلۋ ماۋسىمىن باستاۋعا دايىن، دەپ جازادى Qamshy.kz اقپارات اگەنتتىگى.
استانا قالاسىنداعى جىلۋ ماۋسىمىن وتكىزۋ قاعيدالارىن بويىنشا سىرتقى اۋا تەمپەراتۋراسى ورتاشا +10 °س جانە ودان دا تومەن بولعاندا بەس تاۋلىك ىشىندە جەرگىلىكتى اتقارۋشى ورگانمەن جىلۋ ماۋسىمىن باستاۋ تۋرالى شەشىم قابىلدانادى. وسى قاعيدالارعا سايكەس، وسى ماۋسىمدا جىلۋدى قوسۋ مەرزىمى 27 قىركۇيەكتە باستالادى. الايدا سىرتقى اۋانىڭ وڭ تەمپەراتۋراسىنىڭ وسۋىمەن بۇل مەرزىمدەر تۇزەتىلۋى مۇمكىن، دەپ حابارلايدى قالا اكىمدىگىنىڭ رەسمي ينتەرنەت-رەسۋرسى.
دەگەنمەن قازىرگى ۋاقىتتا الەۋمەتتىك مادەني تۇرمىس نىساندارىنا (بالالار باقشالارى، مەكتەپتەر، باسقا بالالار جانە وقۋ ورىندارى، سونداي-اق دەنساۋلىق ساقتاۋ نىساندارى) جىلۋ بەرۋ جۇزەگە اسىرىلادى. قالا اكىمدىگى پيك ءوتىنىمى بويىنشا دايىندىق پاسپورتتارى بولعاندا جەكە ۇيلەرگە دە ءبىر ۋاقىتتا جىلۋ بەرۋگە دايىن.
پىكىر قالدىرۋ