مەملەكەتتىك دەپارتامەنت پحەنياننىڭ "اقش كحدر-عا سوعىس جاريالادى" دەگەن ءسوزىن جوققا شىعاردى. بۇل تۋرالى اقش مەملەكەتتىك دەپارتامەنتىنىڭ شىعىس ازيا جانە تىنى مۇحيتى ءوڭىرى ىستەرى جونىندەگى بيۋرو ءتوراعاسى كاتينا ادامس مالىمدەدى، - دەپ حابارلايدى Tengrinews.kz. "اقش سولتۇستىك كورەياعا سوعىس جاريالاعان جوق"، - دەپ مالىمدەدى ادامس. ونىڭ ايتۋىنشا، حالىقارالىق كەڭىستىكتە ەشكىمنىڭ دە ۇشاقتار مەن كەمەلەرگە وق اتۋعا قۇقىعى جوق. ادامس امەريكالىق تاراپتىڭ كورەي تۇبەگىندە يادرولىق قارۋدان بەيبىت تۇردە باس تارتۋ ءۇشىن جۇمىس ىستەپ جاتقانىن اتاپ ءوتتى.  ال مۇنىڭ الدىندا كحدر ءسىم باسشىسى لي ەن حو اقش پرەزيدەنتى دونالد ترامپ سولتۇستىك كورەياعا سوعىس جاريالادى دەپ مالىمدەپ، وسىعان بايلانىستى پحەنياننىڭ جاۋاپ شارالارىن، ونىڭ ۇستىنە كحدر اۋە كەڭىستىگىنەن تىس ايماقتاردا امەريكالىق بومبالاۋشىلاردى اتىپ قۇلاتۋعا قۇقىلى ەكەنىن ايتقان ەدى.