حالىقارالىق ەقىۇ/دياقب باقىلاۋشىلارى تىلشىلەرگە قىرعىزستاندا بولعان پرەزيدەنت سايلاۋىنىڭ ارالىق قورىتىندىسىن ۇسىندى،- دەپ Qamshy.kz اقپارات اگەنتتىگى قىرعىزستاندىق 24.kg سايتىنا سۇيەنە وتىرىپ جازادى.

ولاردىڭ ويىنشا، قىرعىزستانداعى سايلاۋ ۇيىمداستىرىلعان تۇردە، دەموكراتيالىق جولمەن ءوتتى. الايدا ەرەجەنى  بۇزعاندار دا بولدى. ولار: اكىمشىلىك رەسۋرستاردىڭ ىقپالى، كانديداتتاردى قارجىلاندىرۋدىڭ قايدان بولعانى بەلگىسىزدىگى، سايلاۋشىلارعا كورسەتىلگەن قىسىمدار جانە سەنزۋراعا سەبەپ بولعان ب ا ق قۇرالدارىنا شاعىمدانۋشىلىق.  اسىرەسە، سايلاۋ قورىتىندىسى بويىنشا جەڭىمپاز - سوورونباي جەەنبەكوۆ «24.kg» اقپاراتتىق اگەنتتىگىنە قارسى سوتقا شاعىمدانىپ، 5 ميلليون سوم ايىپپۇل سالدى.

باقىلاۋشىلار سايلاۋ ناۋقانىندا پوليسيا قىزمەتىنىڭ جۋرناليستەر مەن تاۋەلسىز باقىلاۋشىلاردىڭ جۇمىسىنا  كەدەرگى كەلتىرىپ، قورقىتۋ فاكتىلەرى بولعاندىعىن جاسىرمادى. دەگەنمەن، قىرعىزستانداعى بيلىكتى بەيبىت جولمەن  كەلەسى ۇكىمەتكە تابىستاۋ ءساتتى ورىندالدى. ءبىراق، ورتالىق اتقارۋ كوميتەتى كانديداتتارعا ءبىر جاقتى قاراپ، ناتيجەگە نۇقسان كەلتىردى.

جالپى العاندا، حالىقارالىق باقىلاۋشىلار سايلاۋ جاقسى ۇيىمداستىرىلعانىن مويىندادى.