كۇنى كەشە شىمكەنت قالاسىنىڭ اكىمى عابدوللا ابدراحيموۆ ءوز قاراماعىنداعى شەنەۋنىكتەرگە ءبىر اي بويى جۇمىسقا كەلىپ-كەتكەندە قوعامدىق كولىكتەرمەن عانا ءجۇرۋدى تاپسىرعان ەدى. بۇل شەشىمدى اكىم قىزمەتكەرلەرىنىڭ قالا تۇرعىندارى كورەتىن قيىندىقتى ءوز باستارىنان وتكىزۋ ءۇشىن قابىلداعان بولاتىن،- دەپ حابارلايدى Qamshy.kz اقپارات اگەنتتىگى.
اكىمنىڭ بۇل شەشىمىن جەرگىلىكتى باسشىلىق زور قۇلشىنىسپەن قابىلداپ، بۇگىننەن باستاپ تاپسىرمانى ورىنداۋعا كىرىستى. وزدەرىنىڭ شىنىندا دا قوعامدىق كولىكپەن جول جۇرگەندەرىن دالەلدەۋ ماقساتىندا ەستەلىك سەلفيلەر جاسادى.
ەستەرىڭىزگە سالا كەتەيىك، بۇل تاپسىرما اكىمنىڭ وزىنە دە تىكەلەي قاتىستى. شەنەۋنىكتەردىڭ باستى ماقساتى قوعامدىق كولىكتەردە ءجۇرىپ قانا قويماي، وندا ورىن الىپ جاتقان بارلىق زاڭ بۇزۋشىلىقتى جازىپ وتىرۋ.
