ساۋل "كانەلو" الۆارەستىڭ (49-1-2، 34 كو) جۇمىستارىمەن اينالىساتىن Golden Boy Promotions كومپانياسىنىڭ نەگىزىن قالاۋشى وسكار دە لا حوييا مەكسيكالىق بوكسشىنىڭ ورتا سالماقتاعى WBA (Super)، IBO، WBC جانە IBF تۇجىرىمدارى بويىنشا الەم چەمپيونى قازاقستاندىق گەنناديي گولوۆكينمەن (37-0-1، 33 كو) ەكىنشى كەزدەسۋدىڭ كەلىسسوزدەرى قالاي ءوتىپ جاتقانىن ايتتى. بۇل تۋرالى BoxingInsider.com پورتالى مالىمدەدى. 

ونىڭ ايتۋىنشا، ەكى بوكسشى اراسىنداعى ەكىنشى كەزدەسۋدى ۇيىمداستىرۋ تۋرالى كەلىسسوزدەر كەلەر جىلدىڭ باسىندا باستالادى ەكەن. سونىمەن قاتار دە لا حوييا جەكپە-جەكتىڭ قاشان وتەتىنىن دە ايتتى، دەپ جازادى Vesti.kz سايتى. 

"ەكى بوكسشى دا بۇل جەكپە-جەكتى ۇيىمداستىرعىسى كەلەدى. "كانەلو" دا گولوۆكين دە ءبىرىنشى كەزدەسۋىندە وزدەرىنىڭ بارلىق مۇمكىندىكتەرىن تولىق كورسەتە المادى. كەزدەسۋ مەكسيكالىق ۇلتتىق مەيرامى سينكو دە مايا كۇنى ءوتۋى مۇمكىن. نەمەسە قىركۇيەك ايىندا. "كانەلو" ماعان كەزدەسۋدى وتكىزۋگە ىڭعايلى كۇن مەن جەردى تابۋدى تاپسىردى"، - دەيدى دە لا حوييا. 

ايتا كەتەيىك، بۇعان دەيىن گولوۆكين مەن "كانەلو" اراسىنداعى ەكىنشى كەزدەسۋدىڭ 2018 جىلدىڭ 5 مامىرىندا، سينكو دە مايو مەرەكەسى (1862 جىلى 5 مامىردا مەكسيكالىقتاردىڭ پۋەبلا تۇبەگىندە جەڭىسىنە وراي بەلگىلەنگەن مەرەكە) كۇنى ءوتۋى ىقتيمال ەكەنى بەلگىلى بولدى. 

ءبىراق GBP پروموۋتەرلىك كومپانياسىنىڭ پرەزيدەنتى ەريك گومەس كەزدەسۋدىڭ ودان ەرتە ءوتۋى ىقتيمال ەكەنىن دە ايتتى. 

ەسكە سالايىق، قازاقستاندىق بوكسشى مەن مەكسيكالىق بوكسشى اراسىنداعى ءبىرىنشى كەزدەسۋىن 16 قىركۇيەك كۇنى لاس-ۆەگاستا ءوتىپ، تەڭ اياقتالعان ەدى. وسىلايشا قازاقستاندىق بوكسشى وزىنە تيەسىلى بارلىق بەلبەۋلەرىن قورعاپ قالدى.