استاناعا كەشكە تامان قىرعىزستان رەسپۋبليكاسىنىڭ پرەمەر-مينيسترى ساپار يساكوۆ باستاعان ۇلكەن وكىلدىك دەلەگاسيا كەلدى. قىرعىزستان دەلەگاسياسىنىڭ قۇرامىندا ءبىرىنشى ۆيسە-پرەمەر-مينيستر ت. ابدىعۇلوۆ، سىرتقى ىستەر ءمينيسترى ە. ابدىلدايەۆ، قارجى ءمينيسترى ا. قاسىمالييەۆ، ەكونوميكا ءمينيسترى ا. نوۆيكوۆ، مەملەكەتتىك كەدەن قىزمەتىنىڭ ءتوراعاسى ا. سۋلايمانوۆ، مەملەكەتتىك سالىق قىزمەتىنىڭ ءتوراعاسى و. ابدىكايموۆ، ەكونوميكالىق قىلمىستارمەن كۇرەس جونىندەگى مەملەكەتتىك قىزمەت ءتوراعاسى ز. وسمونوۆ، مەملەكەتتىك كوشى-قون قىزمەتىنىڭ ءتوراعاسى م. ايدارالييەۆ، مەملەكەتتىك شەكارا قىزمەتى ءتوراعاسىنىڭ ورىنباسارى ك. يساكوۆ جانە ت. ب. بار.
شاعىن قۇرامدا ەكىجاقتى كەلىسسوزدەر جۇرگىزىلدى. ءقازىر ەكى ەلدىڭ مينيسترلىكتەرى مەن ۆەدومستۆولارى باسشىلارىنىڭ قاتىسۋىمەن كەڭەيتىلگەن قۇرامدا كەلىسسوزدەر ءجۇرىپ جاتىر. كەزدەسۋگە قىرعىز تاراپى باستاماشىلىق ەتكەن.
