الماتى قالالىق ارداگەرلەر كەڭەسى ەلباسى ن.ءا.نازاربايەۆتىڭ قازاقستان ازاماتتارىن سالاۋاتتى ءومىر سالتىنا تارتۋ تۋرالى تاپسىرماسىن ورىنداۋ اياسىندا زەينەتكەرلەر اراسىنداعى سپورتتىق-ساۋىقتىرۋ ءىس-شاراسىن وتكىزدى، دەپ Qamshy.kz اقپارات اگەنتتىگى حابارلايدى.

18 قازاندا «دينامو» ستاديونىندا دەنە شىنىقتىرۋ جانە سپورت ورتالىعى ورتالىق كەڭەسىنىڭ قولداۋىمەن قالانىڭ بارلىق اۋداندارىنىڭ زەينەتكەرلەرى اراسىندا  سپورتتىق جارىستار ءوتتى.      

اتالعان جارىس ارداگەرلەر ۇيىمىنىڭ 30 جىلدىعىنا جانە حالىقارالىق قارتتار كۇنىنە ارنالعان. سپورتتىق بايقاۋعا «ءبىزدىڭ دەنەمىز جانە جانىمىز ءاردايىم جاس» ۇرانىمەن ءومىر ءسۇرىپ جاتقان اعا ۇرپاقتىڭ وكىلدەرى قاتىستى.

ەگدە جاستاعى ازاماتتار اراسىندا سپورتتىق-ساۋىقتىرۋ ءىس-شارالارى ولاردىڭ ومىرلىك دەڭگەيىن كوتەرۋگە ىقپال ەتەدى. الماتى قالاسىندا زەينەتكەرلەرگە ارنالىپ وتكىزىلەتىن سپورتتىق-ساۋىقتىرۋ ءىس-شارالارى جىل سايىن ارتىپ كەلەدى. اسىرەسە، شاحمات، بيليارد، جاياۋ ءجۇرۋ، فيتنەس، فلەش-موب، بوۋلينگ ويىندارى ءجيى جۇرگىزىلەدى ەكەن. ءبىراق، ءالى كۇنگە دەيىن ەگدە جاستاعى ادامدار جەڭىل اتلەتيكا ويىندارىمەن كوپ اينالىسادى. قالالىق دەنە شىنىقتىرۋ جانە سپورت باسقارماسى مەن ۇلتتىق سپورتتىق جانە دەنە شىنىقتىرۋ كلۋبىنىڭ قولداۋىمەن كوپ جىلدان بەرى ارداگەرلەردىڭ قالالىق كەڭەسى جۇگىرۋ، شارلاردى سوعۋ، ۇزىندىققا سەكىرۋ، شابۋىلداۋ جانە باسقا دا جاتتىعۋ ويىن تۇرلەرىن وتكىزىپ ءجۇر.    

سپراتاكيادا جارىسىندا ايەلدەر مەن ەرلەر كوماندالارى بولدى جانە ءارتۇرلى سپورت تۇرلەرىنەن جارىستار ۇيىمداستىرىلدى، ماسەلەن:  جۇگىرۋ، قاشىقتا دوپتى لاقتىرىپ الۋ، قاشىقتىققا سەكىرۋ، باسۋ، ارقانمەن سەكىرۋ.

ەرلەر مەن ايەلدەر ءۇشىن ءاربىر جارىستىڭ جەكە كورسەتكىشتەرى انىقتالدى.

سپارتاكياداعا 120-دان استام زەينەتكەر قاتىستى، ال جۇلدەلى ورىندارعا يە بولعان كوماندالار ديپلومدارمەن جانە باعالى سىيلىقتارمەن ماراپاتتالدى.

بارلىق جاستاعى ازاماتتاردىڭ ءومىرىن جاقسارتۋعا جانە قولايلى جاعدايلار جاساۋ ماقساتىندا بىرىككەن ۇلتتار ۇيىمىنىڭ باس اسسامبلەياسىمەن 1 قازان حالىقارالىق قارتتار كۇنى بولىپ جاريالاندى. 

الماتى قالاسىندا جىل سايىنعى قارتتار ايىن وتكىزۋگە، ارداگەرلەر مەن زەينەتكەرلەرگە قامقورلىق كورسەتۋگە جانە قارتتاردىڭ قۇقىقتارىن قورعاۋعا، قوعامداعى ورنىن دارىپتەۋدى ناسيحاتتاۋعا باعىتتالعان، ءىس-شارالار جۇرگىزىلۋدە. 

ەرەكشە كوڭىل قارتتاردىڭ دەنساۋلىعىنا بولىنەدى. سول سەبەپتى جىل سايىن اۋداننىڭ دەنساۋلىق ساقتاۋ مەكەمەلەرىمەن بىرلەسە وتىرىپ «اشىق ەسىك» كۇندەرى وتكىزىلۋدە، ءۇي ىشىندە مەديسينالىق تەكسەرۋلەر ۇيىمداستىرىلىپ، مۇقتاج جاندار ساناتوريالارعا ەمدەلۋگە جىبەرىلۋدە. 

500-دەن استام جالعىز باستى جانە جالعىز ىلىكتى زەينەتكەرلەرگە ءۇي ىشىندە كومەك كورسەتىلىپ جاتىر. اتالعان باعىتتاعى ءىس-شارالار قازان ايى بويى جۇرگىزىلەدى.