الماتىدا تۋريستىك اقپاراتتىق ورتالىق اشىلدى.
الماتىدا «الماتىنىڭ ۆيزيت ورتالىعى» اتتى تۋريستىك اقپاراتتىق ورتالىق رەسمي تۇردە اشىلدى. الماتى اكىمى باۋىرجان بايبەك ورتالىقتا قالاعا كەلگەن ءاربىر شەتەلدىك قوناقتىڭ كورىكتى جەرلەر، مادەني وقيعالار، مەيمانحانالار تۋرالى ءبىر تەرەزە ءپرينسيپى بويىنشا تولىق مالىمەتتى قالاي الاتىندىعىمەن تانىستى.
قالانىڭ تۋريزم جانە سىرتقى بايلانىستار باسقارماسىنىڭ باسشىسى ەرلان جايلاۋباي ۆيزيت ورتالىقتىڭ الماتى تۇرعىندارى مەن قوناقتارىنا مەگاپوليستىڭ تۋريستىك الەۋەتى تۋرالى كاسىبي كەڭەس، جول كارتالارى مەن تاۋ باعىتتارىنىڭ اتلاستارىن، تۋروپەراتورلار بروشيۋرالارىن، مادەني- بۇقارالىق شارالاردىڭ انونستارىن بەرەتىندىگىن ايتتى.
سونىمەن قاتار ەكسكۋرسياعا، سۋۆەنير بۇيىمدارعا تاپسىرىس الاتىندىعى، ەڭ باستىسى تۋريستەر ءۇشىن ءموبيلدى بايلانىس وپەراتورىنىڭ SIM-كارتاسىن بەيىمدەۋدى جۇزەگە اسىراتىندىعى اتالىپ ءوتتى. قازىرگى كەزدە بارىنشا تانىمال لوكاسيالاردا اقپاراتتىق تۋريستىك كيوسكىلەر اشۋ ماسەلەسى قاراستىرىلۋدا.
باسقارما باسشىسى ءوزىنىڭ سوزىندە مۇنداي ورتالىقتى اشۋ پاريج، لوندون، دۋباي، نيۋ-يورك، بارسەلونا سىندى تۋريزم سالاسى دامىعان قالالار تاجىريبەسىنەن الىنعاندىعىن جەتكىزدى.
«ءقازىردىڭ وزىندە www.visitalmaty.kz رەسمي سايتى جۇمىس ىستەۋدە، كەيىن ول جەتى ءتىلدى قامتيتىن بولادى. سايتتا قالانىڭ تانىمال كورنەكتى ورىندارى، ۇلتتىق ءمازىر دايىندايتىن مەيرامحانالارى، وقيعالار تىزبەگى تۋرالى تولىق اقپاراتتار جاريالانادى. ۆيزيت ورتالىقتا كەڭەس بەرۋ، سۋۆەنير، سويلەسۋ، ءتۇرلى شارالار وتكىزۋدىڭ ينتەراكتيۆتى ايماقتارى قامتاماسىز ەتىلگەن. تەحنيكالىق تۇرعىدا ورتالىق اشىلعالى بەرى 109 تۋريست حابارلاستى»، - دەدى ورتالىق ديرەكتورى اسەل نۇركەبايەۆا.
ول ساياحاتشىلار ءۇشىن توتەنشە جاعداي تۋىنداعان كەزدە ءتۇرلى ماسەلەنى جەدەل شەشەتىن شۇعىل جەلى قۇرىلعانىن دا اتاپ ءوتتى.
جالپى، «الماتىنىڭ ۆيزيت ورتالىعىن» بولاشاقتا مەملەكەتتىك-جەكەشەلىك ارىپتەستىكتىڭ كاتاليزاتورىنا جانە الماتى كلاستەرىنىڭ تۋريستىك ديەۆەلوپمەنتىنە اينالدىرۋ جوسپارلانعان. حالىقارالىق نارىقتا تۋريستىك الەۋەتتى كورسەتۋ جوبالارىن جۇزەگە اسىرۋ، ءوڭىردىڭ رەيتينگى مەن باسەكەگە قابىلەتتىلىگىنە تالداۋ جاساۋ، ءتۋريزمدى دامىتۋ مۇمكىندىكتەرىن ىزدەستىرۋ، وسى سالادا ءتۇرلى زەرتتەۋدەر جۇرگىزۋ تاو جۇمىسىنىڭ باستى بولىگى بولادى.
