الماتىدا قوقىس سۇرىپتاۋ كەشەنىنىڭ قۇرىلىسى باستالدى. بۇگىن قالا باسشىسى  باۋىرجان بايبەك نىسان قۇرىلىسى بارىسىمەن تانىستى.

جاڭا نىسان ەۋروپالىق جابدىقتارمەن جابدىقتالادى.  ەكونوميكالىق ەسەپتەۋلەرگە سايكەس، كومپانيانىڭ وندىرىستىك قۋاتى الماتى قالاسىنىڭ قاجەتتىلىگىن تولىعىمەن وتەيدى.

قالدىق سۇرىپتاۋ كەشەنىنىڭ قۇرىلىسى «Green Recycle» ج ش س جەكە ينۆەستيسياسى ەسەبىنەن جۇزەگە اسىرىلادى.

سۇرىپتاۋ بارىسىندا قايتا پايدالانۋعا جارامدى كومپونەنتتەر تاڭدالادى.

جىلىنا 550 مىڭ توننا قوقىس وڭدەيتىن زاۋىت 2018 جىلدىڭ جازىندا پايدالانۋعا بەرىلمەك.

الماتى اكىمىنىڭ ايتۋىنشا، تۇتاستاي العاندا قالدىقتاردى سۇرىپتاۋ كەشەنىنىڭ پايدا بولۋى ونەركاسىپتىڭ دامۋىنا سەرپىن بەرەدى جانە قالاداعى ەكولوگيالىق جاعدايدى جاقسارتادى.

«مەملەكەت باسشىسى قالا ەكولوگياسى ماسەلەسىنە ەرەكشە نازار اۋدارادى. الماتى قالاسىنىڭ دامۋ بويىنشا سوڭعى كەزدەسۋىندە مەملەكەت باسشىسى قوقىس پروبلەماسىن جۇيەلى تۇردە شەشۋ، ونى كەشەندى وڭدەۋدى جانە پايدالانۋدىڭ تولىق سيكلىن قامتاماسىز ەتۋ قاجەتتىگىن اتاپ ءوتتى. زاۋىتتىڭ قۇرىلىسى ءبىز ءۇشىن باسىم جوبا بولىپ تابىلادى، بۇل ەكسپو-2017 ماقساتتارى مەن مىندەتتەرىنە سايكەس كەلەتىن ماڭىزدى باعىت. ءقازىر ءبىز ءبىرىنشى كەزەكتە قوقىستى ىرىكتەپ، ودان كەيىن ونى قايتا وڭدەۋگە مۇمكىندىك بەرەتىن جۇيەنى قۇرىپ جاتىرمىز»، - دەدى قالا اكىمى.

الماتى قالاسىنىڭ اكىمى جۇمىس ساپارىنىڭ اياسىندا الاتاۋ اۋدانىندا ورنالاسقان يندۋستريالدى ايماقتىڭ جۇمىسىن تەكسەردى. بۇگىنگى تاڭدا يندۋستريالدى ايماقتا جالپى قۇنى 191 ملرد تەڭگە بولاتىن 40 جوبا تىركەلدى. قالا اكىمدىگىمەن يندۋستريالدى ايماقتاردى جاڭا جوبالارمەن تولتىرۋدى ارتتىرۋ بويىنشا جۇمىستار جۇرگىزىپ جاتىر.

قالدىقتاردى سۇرىپتاۋ كەشەنىنىڭ قۇرىلىسى «Green Recycle» ج ش س جەكە ينۆەستيسيالارى ەسەبىنەن جۇزەگە اسىرىلادى. سۇرىپتاۋ ءۇردىسى بارىسىندا قايتا پايدالانۋعا جارامدى كومپونەنتتەر تاڭدالادى.

جىلىنا 550 مىڭ توننا قۋاتى بار زاۋىت 2018 جىلدىڭ جازىندا پايدالانۋعا بەرىلەدى دەپ جوسپارلانۋدا.

الماتى اكىمىنىڭ ايتۋىنشا، تۇتاستاي العاندا قالدىقتاردى سۇرىپتاۋ كەشەنىنىڭ پايدا بولۋى ونەركاسىپتىڭ دامۋىنا سەرپىن بەرەدى جانە مەگاپوليستەگى ەكولوگيالىق جاعدايدى جاقسارتادى.

«Green Recycle» ج ش س ديرەكتورى دميتريي دانيلچەنكونىڭ ايتۋىنشا، سۇرىپتاۋ  كەزىندە  پايدالى قۇرامدار ەكىنشى رەت قولدانۋعا ىرىكتەلىپ الىنادى، ال  جارامسىز ماتەريالدار  پوليگوندا كومىلەدى.

اتالمىش الەۋمەتتىك ماڭىزى بار جوبا جەكە ەسەپتىڭ قارجىسىنا جۇزەگە اسىرىلادى: ينۆەستيسيا كولەمى 5،3 ملرد تەڭگەنى قۇرادى.  الدىن الا ەسەپ بويىنشا  قوقىس سۇرىپتاۋ كەشەنىنىڭ شىعىنىن   2025 جىلعا دەيىن وتەۋ جوسپارلانعان.  جىل سايىن  مەملەكەتتىك بيۋدجەتكە ءتۇسىم  500 ملن تەڭگەنى قۇرايتىن بولادى. جوبانى جۇزەگە اسىرۋ  600 جاڭا جۇمىس ورنىن اشۋعا مۇمكىندىك بەرەدى.