بۇگىن الماتى قالاسىنداعى كاسپيي قوعامدىق ۋنيۆەرسيتەتىندە مەملەكەتتىك ءتىلدىڭ ءبىرتۇتاس لاتىن الىپبيىنە كوشۋىن تالقىلاۋ جانە قولداۋ اياسىندا پروفەسسورلىق-وقىتۋشى ۇجىمىنىڭ تالقىلاۋ جيىنى بولىپ ءوتتى، دەپ حابارلايدى Qamshy.kz اقپارات اگەنتتىگى.
كاسپيي ۋنيۆەرسيتەتىندە وتكەن «لاتىن الىپبيىنە كوشۋ – زامان تالابى» اتتى جيىنعا اتالمىش ۋنيۆەرسيتەت ۇجىمى، وزگە جوعارى وقۋ ورىندارىنىڭ پروفەسسورلارى، ستۋدەنتتەر جانە دە ب ا ق وكىلدەرى قاتىستى.
بۇگىنگى شارا جايىندا كاسپيي ۋنيۆەرسيتەتىندەگى گۋمانيتارلىق عىلىمدار جوعارى مەكتەبىنىڭ دەكانى جۇمان سايات ءالدىباي ۇلى ايتىپ بەردى.
«بۇگىن كاسپيي قوعامدىق ۋنيۆەرسيتەتىنىڭ ۇيىمداستىرۋىمەن ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا كورسەتىلگەندەي ەڭ ءبىرىنشى كۇن تارتىبىنە قويىلىپ وتىرعان ماسەلە – قازاق ءتىلىنىڭ لاتىن الىپبيىنە كوشۋ ماسەلەسىنە بايلانىستى ءىس-شارا وتكىزىپ جاتىرمىز. بۇل جيىنعا ۋنيۆەرسيتەتىمىزدەگى ستۋدەنتتەر، وقىتۋشىلار قۇرامى بەلسەنە اتسالىسۋدا»، - دەيدى.
ونىڭ ايتۋىنشا، بۇگىنگى تاڭدا لاتىن الىپبيىنە كوشۋدى بۇكىل حالىق، اسىرەسە جاستار قولداپ وتىر. «سەبەبى، لاتىن الىپبيىنە كوشۋ – زامان تالابى»، - دەيدى ول.
«بۇگىنگى شاراعا قوناق رەتىندە لاتىن الىپبيىنە تىكەلەي قاتىسى بار تۇلعالار، سونى زەرتتەۋشىلەر، فيلولوگيا عىلىمدارىنىڭ پروفەسسورلارىن شاقىرىپ وتىرمىز»، - دەيدى سايات ءالدىباي ۇلى.
فيلولوگيا عىلىمدارىنىڭ كانديداتى، دوسەنت مايرا ءجۇنىسوۆا بۇگىنگى شارانىڭ نەگىزگى مىندەتتەرى مەن تالاپتارىنا قاتىستى ايتىپ ءوتتى.
«بۇگىنگى «لاتىن الىپبيىنە كوشۋ – زامان تالابى» اتتى جيىننىڭ نەگىزگى ماقساتى، مىندەتى – ەلىمىزدىڭ جاستارىنا، ستۋدەنتتەرگە لاتىن الىپبيىنە كوشۋدىڭ ۋاقىت سۇرانىسى ەكەندىگىن ءتۇسىندىرۋ جانە ونىڭ تاريحي تۇرعىدان وتە ماڭىزدى قۇبىلىس ەكەندىگىن ۇعىندىرۋ بولىپ تابىلادى»، - دەيدى مايرا ءجۇنىسوۆا.
فيلولوگيا عىلىمدارىنىڭ كانديداتى مايرا ءجۇنىسوۆا بۇگىنگى جيىندا لاتىن الىپبيىنە كوشۋ ماسەلەسىنىڭ زامان تالابىنا سايكەس بولۋىنا قاتىستى بايانداپ بەردى.
سونىمەن قاتار، «لاتىن الىپبيىنە كوشۋ – زامان تالابى» اتتى جيىنعا ارنايى شاقىرتىلعان فيلولوگيا عىلىمدارىنىڭ فيلولوگيا عىلىمدارىنىڭ كانديداتى، دوسەنت يسحان بەيبىت جالەل ۇلى لاتىن الىپبيىنە كوشۋدەگى كەم-كەتىك تۇستار مەن ونىڭ ارتىقشىلىقتارى جايىندا ايتىپ، ستۋدەنتتەردىڭ بىرنەشە ساۋالدارىنا جاۋاپ بەردى.
ايتا كەتەر بولساق، يسحان بەيبىت جالەل ۇلى قازاق ءتىلىن لاتىن الىپبيىنە كوشىرۋ ماسەلەسى سوناۋ 1992 جىلدان بەرى كوتەرىلىپ كەلە جاتقاندىعىن ايتىپ، وسىعان قاتىستى ءبىرشاما ديسسەرتاسيالار جازىپ، كوپتەگەن ەڭبەكتەرىن لاتىن الىپبيىنە ارناعاندىعىن دا ايتىپ ءوتتى.
بۇگىنگى شارادا ارنايى بايانداما جاساعان فيلولوگيا عىلىمدارىنىڭ كانديداتى، دوسەنت تولەۋبەك زايسانبايەۆ قيزات ۇلى دا ستۋدەنتتەردىڭ ارنايى ساۋالدارىنا جاۋاپ بەرىپ، لاتىن الىپبيىنە كوشۋ ماسەلەسىنە قاتىستى وزىندىك بايانداماسىن جاساپ، لاتىن ءالىپبيىنىڭ نۇسقالارىنا دا قاتىستى توقتالىپ ءوتتى.
پارلامەنتتە ۇسىنىلعان نۇسقا مەن ەلباسىنا تانىستىرىلعان ەكى نۇسقانىڭ كەمشىلىكتەرى مەن ارتىقشىلىقتارى جايىندا ايتىپ ءوتتى.
سونىمەن قاتار، بۇگىنگى شاراعا بەلسەندى تۇردە قاتىسقان ستۋدەنتتەر فيلولوگيا عىلىمىنىڭ كانديداتتارىنا لاتىن الىپبيىنە قاتىستى كوكەيلەرىندە جۇرگەن سۇراقتارىن قويىپ، ءتيىستى جاۋاپتارىن الا الدى.
