اعىمداعى جىلى حالىقارالىق قۇقىق قورعاۋ ورتالىعى الماتى قالاسى كاسىپوداق ورتالىعىمەن بىرلەسە وتىرىپ الماتى قالالىق ىشكى ساياسات باسقارماسىنىڭ «ەڭبەك ساقشىسى» اتتى مەملەكەتتىك الەۋمەتتىك تاپسىرىسىن جۇزەگە اسىرۋدا، دەپ حابارلايدى Qamshy.kz اقپارات اگەنتتىگى.
مەملەكەتتىك ەڭبەك ينسپەكسياسى جانە كوشى-قون باسقارماسىنىڭ مالىمەتتەرىنە سايكەس، 2016 جىلى 4000-نان استام ازاماتتار مەن كومپانيالارى ەڭبەك قاتىناستارى بويىنشا اتالعان مەكەمەگە ارىزدانعان. جۇرگىزىلگەن تەكسەرۋلەر بارىسىندا ينسپەكسيا ءبىر مىڭنان اسا ەڭبەك زاڭناماسىن بۇزۋ فاكتىلەرى بەلگىلى بولىپ، الماتى قالاسىندا ورنالاسقان 123 كاسىپورىندا بەلگىلەنگەن جالاقى بويىنشا 600 ميلليون تەڭگە بەرەشەكتىگى انىقتالعان.
جۇزەگە اسىرىلۋداعى «ەڭبەك ساقشىسى» جوباسىنىڭ باستى ماقساتى – ەڭبەك داۋلارىنىڭ الدىن الۋ جانە ازايتۋ، الەۋمەتتىك ەڭبەك ماسەلەلەرى بويىنشا قىزمەتكەرلەردىڭ قۇقىقتىق ساۋاتتىلىعىن ادان ءارى وسىرۋمەن قاتار ەڭبەك داۋلارىن رەتتەۋ ەرەكشەلىگىن ناسيحاتتاۋ، حالىقتىڭ قۇقىقتىق ساۋاتتىلىعىن ارتتىرۋ. جوبا شەڭبەرىندە ءارتۇرلى مەنشىك نىساندارى مەن قىزمەت سالالارى بويىنشا الماتى قالاسىنداعى 20 ۇجىمنىڭ 1000 قىزمەتكەرىنە اراسىندا ساۋالناما جۇرگىزىلدى. جوباعا قاتىسۋشى پسيحولوگتار، كاسىپورىنداردىڭ باسشىلىق جانە كادرلىق قىزمەتكەرلەرى اراسىندا جۇرگىزىلگەن ساۋالناما ناتيجەلەرى مەن مالىمەتتەرىنە سايكەس، ەڭبەك ۇجىمىنىڭ مورالدىق-پسيحولوگيالىق احۋالىن كوتەرۋ، جەكە تۇلعاارالىق قارىم-قاتىناستاردى جاقسارتۋ، ەڭبەك ونىمدىلىگىن ارتتىرۋ، ەڭبەك قاقتىعىستارىن الدىن-الۋ جانە داۋلاردى بەيبىت جولمەن شەشۋ ءۇشىن جەكە ۇسىنىمدار بەرىلدى.
ۇيىم قىزمەتكەرلەرى، قارجىلىق، زاڭ قىزمەتتەرى، كاسىپوداق وكىلدەرى، كەلىسۋ كوميسسيالارىنىڭ مۇشەلەرى ءۇشىن سەمينارلار ۇيىمداستىرىلدى.
جوبا بويىنشا وتكىزىلگەن سەمينارلاردا 350-دەن اسا، 180-دەي بانك سەكتورىنىڭ، مەديسينالىق، كولىك ۇيىمدارىنىڭ، بۇقارالىق اقپارات قۇرالدارىنىڭ، كوممۋنالدىق كاسىپورىنداردىڭ، ۇلتتىق كومپانيالاردىڭ، ساقتاندىرۋ كومپانيالارىنىڭ، گاز، ساۋدا كومپانيالارىنىڭ، ۋنيۆەرسيتەتتەردىڭ، ارناۋلى قىزمەتتەر ۇيىمدارىنىڭ، عىلىمي-زەرتتەۋ ينستيتۋتتارىنىڭ، جەكە كاسىپكەرلەردىڭ، اۆياكومپانيالاردىڭ، ۇيىمداردىڭ مادەنيەت جانە ونەر سالاسى، شەتەلدىك كومپانيالار جانە ت.ب. ۇيىم وكىلدەرى قاتىستى. وسى جوبا بارىسىندا قىزمەتكەرلەردىڭ نەگىزگى قۇقىقتارى مەن ەڭبەك داۋلارىن شەشۋ ءتارتىبى تۋرالى بويىنشا دايارلانعان اقپاراتتىق بەينەروليك mpc-info.kz سايتىندا جانە الەۋمەتتىك جەلىلەردە كورسەتىلۋدە.
قولدانىستاعى ق ر ەڭبەك كودەكسىنىڭ نورمالارى قازىرگى كۇنى تولىقتىرۋلار مەن وزگەرتۋلەردى تالاپ ەتۋدە. وسى تۇرعىدا، «ەڭبەك ساقشىسى» جوباسىنىڭ جەتەكشىسى ءجاندىلدا ءاجىعالي ۇلى كورسەتكەندەي، ەڭبەك داۋلارىن رەتتەۋگە باعىتتالعان ۇيىمدارداعى كەلىسىم كوميسسيالارىنىڭ جۇمىسى، ياعني ولاردى قۇرۋ جانە سول كومييسسيالاردا داۋدى رەتتەۋ تارتىپتەرى، كوميسسيانى قۇرماعانعا بايلانىستى جاۋاپكەرشىلىكتەردىڭ جوقتىعى- قىزمەتكەرلەردىڭ سوتقا جۇگىنۋ مەن ءارى قاراي ءوز قۇقىعىن جۇزەگە اسىرۋعا كەدەرگىلەر تۋىنداتىپ وتىر.
الماتى قالاسىندا كاسىپوداق ورتالىعىندا «ەڭبەك قۇقىقتارىن ساقتاۋ، ەڭبەك داۋلارىنىڭ الدىن الۋ مەن ازايتۋ، بىتىمگەرشىلىك راسىمدەرى» تاقىرىبىندا ەڭبەك داۋلارىنىڭ الدىن الۋ جانە بارىنشا ازايتۋ ماسەلەسىنە قاتىستى دوڭگەلەك ۇستەل ءوتتى.
دوڭگەلەك ۇستەلگە قاتىسۋشىلار ق ر ەڭبەك كودەكسى بويىنشا قالىپتاسقان تاجىريبە تۋرالى، ونىڭ نورمالارىن قولدانۋ بارىسى جانە تاجىريبەدە كەزدەسىپ كەلەتىن سۇراقتار جانە ولاردى رەتتەۋگە قاتىستى ۇسىنىستار، زاڭنامالارعا ەنگىزىلۋگە قاجەتتى وزگەرىستەر مەن تولىقتىرۋلار تالقىلاندى.
