بۇگىن، 28 قازان كۇنى «ەنشى» زياتكەرلىك سايىسىنىڭ ىرىكتەۋ كەزەڭىنەن وتكەن 16 سايىسكەرمەن ترەنينگ وتكىزىلدى، دەپ جازادى Qamshy.kz.

بالالار بىر-بىرىمەن تانىسىپ، بولاشاق قارسىلاستارىنىڭ بابىن ءبىرىنشى كۇننەن سىناپ كورۋگە مۇمكىندىك الدى. ازىرگە ءبارى بايىپتى. ءار ءسوزىن تالعاپ سويلەپ، كوپ كوسىلە بەرمەيدى. جاڭا زياتكەرلىك جوبانىڭ ءبىرىنشى تۇسىرىلىمىندە بۇل تەليەۆيزيالىق فورماتتى سىناپ كورۋ جاس ءبىلىمپازدار ءۇشىن اۋىر جۇك. ب ا ق شابا ما، باپ شابا ما؟ ونى كورە جاتارمىز. ءقازىر ولار بۇگىنگى كۇنگى اسەرلەرىنەن وي قورىتىپ، ەرتەڭگى كۇنىن پايدالى وتكىزۋگە جوسپارلاپ جاتقانى انىق.

ايتا كەتسەك، كەشە 27 قازان كۇنى ەلىمىزدىڭ ءار وڭىرىنەن ءبىزدىڭ سايىسىمىزدىڭ قاتىسۋشىلارى  جينالعان بولاتىن.
وسكەمەن، اقتوبە، تۇركىستان، جەتىساي، ماڭعىستاۋ، الماتى قالالارىنان  بىزگە جول تارتقان سايىسكەلەر تاڭ سارىدە كەلىپ جەتتى.
ناعىز بىلگىرلەر مەن بىلىمسۇيەر قاۋىم ءۇشىن "ەنشى" زياتكەرلىك سايىسى كورەرمەنگە جول تارتپاق.
بويمەن ەمەس، ويمەن جارىساتىن الاماندا كىمنىڭ اسىعى الشىسىنان تۇسەدى؟
ءتورت اينالىمنان تۇراتىن بۇل سايىستا سۇرىنبەي وتكەندەر عانا، "توعىز توراپتا" باقتارىن سىناپ، "جامبى اتىپ"، سوڭعى اينالىمنىڭ توسىن سۇراقتارىندا بولدىرماي، ەنشىسىن باعىندىرماق. 
تانىمالدىقتىڭ جاڭا قىرى - ءبىلىم.