الماتى قالاسىندا قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى قازاقستان رەسپۋبليكاسى مەملەكەتتىك ورتالىق مۋزەيىندە «ن. نازاربايەۆ: ءداۋىر، تۇلعا، قوعام» كوشپەلى ءعىلىمي-بىلىم بەرۋ جانە مادەني-اعارتۋشىلىق كورمە جوباسىن ۇسىنادى. جوبانىڭ ءىس-شارالارى قازاقستان رەسپۋبليكاسى تۇڭعىش پرەزيدەنتىنىڭ كۇنى جانە تاۋەلسىزدىك كۇنى مەملەكەتتىك مەرەكەلەرىنە وراي جۇزەگە اسىرىلادى. ءارى، ەلباسىنىڭ جىل سايىنعى جولداۋلارى مەن قازاقستاننىڭ دامۋى تاقىرىبىنداعى ستراتەگيالىق باعىتتارى تۇسىندىرىلەدى.

ەلىمىزدىڭ استاناسىن كوشىرگەن ساتتەن بەرى 20 جىلدىڭ ىشىندە العاش رەت مەملەكەت باسشىسىنىڭ جەكە ءارحيۆى، جەكە كىتاپحاناسى جانە مۋزەيى قورىنىڭ زەرتتەۋ ناتيجەلەرى مەن ماتەريالدارى الماتى قالاسى قالىڭ جۇرتشىلىعىنىڭ نازارىنا ۇسىنىلىپ وتىر. وسى جىلداردىڭ ىشىندە استانا الەمدەگى ەڭ تانىمال جانە قۇرمەتكە لايىق قالا مارتەبەسىن يەلەنىپ، بۇگىندە جاھاندىق دەڭگەيدەگى ماڭىزدى شەشىمدەر قابىلداناتىن الدىڭعى قاتارلى عىلىمي جانە مادەني ورتالىققا اينالدى.

جوبا اتالمىش كوشپەلى قور كورمەسىنىڭ سالتاناتتى اشىلۋ راسىمىنەن باستالادى. كورمەنىڭ نەگىزگى ماقساتى – قازاقستان رەسپۋبليكاسى تۇڭعىش پرەزيدەنتى – ەلباسىنىڭ تاۋەلسىز قازاقستان تاعدىرىنداعى ءرولىن مۇراعات قۇجاتتارى مەن جادىگەرلەر ارقىلى جۇيەلى تۇردە كەڭىنەن كورسەتۋ.

كورمەنىڭ اشىلۋ راسىمىنە قازاقستان رەسپۋبليكاسى پرەزيدەنتى كەڭسەسىنىڭ باستىعى – قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى ديرەكتورىنىڭ مىندەتىن اتقارۋشى ماحمۇت قاسىمبەكوۆ، الماتى قالاسىنىڭ اكىمى باۋىرجان بايبەك سىندى بەدەلدى ازاماتتاردىڭ قاتىسۋى جوسپارلانىپ وتىر.

كورەرمەندەر نازارىنا ەلباسى كىتاپحاناسىنىڭ ارحيۆ، كىتاپ، مۋزەي قورلارىنىڭ ماتەريالدارى ۇسىنىلاتىن بولادى. ولاردىڭ قاتارىندا شەت مەملەكەت جانە ۇكىمەت باسشىلارىنىڭ ن.ءا. نازاربايەۆقا تارتۋ ەتكەن جوعارى مەملەكەت ناگرادالارى، قاسيەتتى قۇرانداردىڭ بىرەگەي جيناقتارى، مەملەكەت باسشىلارى تارتۋ ەتكەن قولتاڭبالىق كىتاپتار، سونداي-اق ن.ءا. نازاربايەۆتىڭ الەم تىلدەرىنە اۋدارىلعان ەڭبەكتەرى بار.

ساعات 14.00-دە «ءعىلىمي-بىلىم بەرۋ قىزمەتىندەگى يننوۆاسيالىق جۇمىس تۇرلەرى» (قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىنىڭ جۇمىس تاجىريبەسىنەن) سەمينارى وتەدى. سەمينار بارىسىندا مۋزەي پەداگوگيكاسىنىڭ، جوبالىق جۇمىستاردىڭ، قازاقستاندىق قوعامنىڭ رۋحاني جاڭعىرۋى شەڭبەرىندەگى ءبىلىم بەرۋ جانە مادەني-اعارتۋشىلىق مەكەمەلەرى اراسىنداعى ءوزارا قارىم-قاتىناسىنىڭ وزەكتى ماسەلەلەرى تالقىلانادى. (سەميناردىڭ ەكىنشى ءبولىمى – 11 قاراشا ساعات 15.00-دە قازاق ۇلتتىق اگرارلىق ۋنيۆەرسيتەتىندە جالعاسادى).

ساعات 19.00-دە رەسپۋبليكا سارايىندا ەلباسى كىتاپحاناسىنىڭ «ن.نازاربايەۆ: ءداۋىر، تۇلعا، قوعام» كوشپەلى كورمە جوباسىنىڭ اشىلۋىنا وراي قازاقستان رەسپۋبليكاسى مەملەكەتتىك كۇزەت قىزمەتى پرەزيدەنتتىك وركەسترىنىڭ ەسەپتىك كونسەرتى وتەدى.

قازاقستان رەسپۋبليكاسىنىڭ مەملەكەتتىك ورتالىق مۋزەيىندە 11 قاراشا ساعات 10.00-دە «قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسى: مەملەكەتتىك باسقارۋ ستراتەگياسى جانە كوشباسشى فەنومەنى» حالىقارالىق عىلىمي-تاجىريبەلىك كونفەرەنسياسى ءوز جۇمىسىن باستايدى.

«ن. نازاربايەۆ: ءداۋىر، تۇلعا، قوعام» كورمەسى 2018 جىلدىڭ 14 قاڭتارىنا دەيىن جۇمىس جاسايدى.

11 قاراشا ساعات 15.00-دە وسى الاڭدا «رۋحاني سانانى جاڭعىرتۋداعى مۋزەيدىڭ، ءارحيۆتىڭ، كىتاپحانانىڭ ءرولى» عىلىمي-تاجىريبەلىك سەمينارى جانە «رۋحاني سانانى جاڭعىرتۋ: كىتاپحانا جانە ارحيۆ قىزمەتتەرىنىڭ وزەكتى ماسەلەلەرى» دوڭگەلەك ۇستەلى وتەدى.

ءبىلىم بەرۋ جانە مادەني-اعارتۋشىلىق سالاسىندا جاستارمەن جۇمىس جاساۋدىڭ جاڭا تەحنولوگيالارى اباي اتىنداعى قازاق ۇلتتىق پەداگوگيكالىق ۋنيۆەرسيتەتىندە جانە قازاق ۇلتتىق اگرارلىق ۋنيۆەرسيتەتىندە 13 قاراشا كۇنى ساعات 10.00-دە جانە 15.00-دە وتەتىن «قازاقستان جولى: «ماڭگىلىك ەل» سەمينار-ترەنينگىنىڭ بارىسىندا ۇسىنىلادى. سەمينار-ترەنينگ قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىنداعى ءبىلىم بەرۋ جوباسىنىڭ قۇرامدىق بولىگى. ول «ماڭگىلىك ەل» ۇلتتىق يدەياسىنىڭ اياسىندا قۇرىلىپ، «كوشباسشى الەمى» مودەلىن، مەملەكەت باسشىسىنىڭ ساياسات پەن باسقارۋداعى وڭ تاجىريبەسىن اشىپ قانا قويماي، قازاق مەملەكەتتىلىگىنىڭ نەگىزىن قالاعان قازاقستان رەسپۋبليكاسىنىڭ تۇڭعىش پرەزيدەنتى ن. نازاربايەۆتىڭ تۇلعالىق قىرلارىن كورسەتەدى.

10–16 قاراشا ارالىعىندا قازاقستان رەسپۋبليكاسىنىڭ مەملەكەتتىك ورتالىق مۋزەيىندە جانە الماتى قالاسىنىڭ جوعارى وقۋ ورىندارىندا جوسپارلانعان ءعىلىمي-بىلىم بەرۋ جانە مادەني-اعارتۋشىلىق اۋقىمدى شارالارىنىڭ قاتارىندا 14 قاراشادا قازاق ۇلتتىق اگرارلىق ۋنيۆەرسيتەتىندە «رۋحاني جاڭعىرۋ: جاستار كوزقاراسى» حالىقارالىق عىلىمي-تاجىريبەلىك كونفەرەنسياسى وتەدى.

16 قاراشا ساعات 10.00-دە ءال-فارابي اتىنداعى قازاق ۇلتتىق ۋنيۆەرسيتەتىندە «نازاربايەۆ مودەلى» حالىقارالىق عىلىمي-تاجىريبەلىك كونفەرەنسياسى وتەدى، ساعات 12.00-دە دارىستەر مەن ينتەراكتيۆتى پىكىرتالاس تۇرىندە ازىرلەنگەن «نازاربايەۆ مودەلى» كىتابىنىڭ تۇساۋكەسەرى بولادى. سونىمەن قاتار، ن.ءا. نازاربايەۆتىڭ ءومىرى مەن قىزمەتىنە ارنالعان شەتەلدىك جانە وتاندىق اۆتورلاردىڭ الەمنىڭ بىرنەشە تىلدەرىندە جارىق كورگەن كىتاپتارى ۇسىنىلاتىن «الەم قادىرلەگەن ەلباسى» كىتاپ كورمەسى ۇيىمداستىرىلادى.

ەلباسى كىتاپحاناسى جوبالارىنىڭ ءىس-شارالارىنا الماتى قالاسى اكىمشىلىگىنىڭ وكىلدەرى، جوعارى وقۋ ورىندارىنىڭ رەكتورلارى، عىلىمي-زەرتتەۋ ينستيتۋتتارى مەن ورتالىقتارىنىڭ باسشىلارى، عالىمدار، ساياساتتانۋشىلار، ت.ب. قاتىسادى. الماتىداعى ەكى اي جۇمىستىڭ كوشپەلى جوباسى اياسىندا ساراپشىلار قاۋىمداستىعى، عالىمدار، مادەنيەت جانە ءبىلىم بەرۋ سالالارى ماماندارىنىڭ كەزدەسۋى وتەدى.

كورمەنىڭ بارلىق جۇمىس كۇندەرى وڭتۇستىك استانامىزدىڭ تۇرعىندارى مەن قوناقتارى تاقىرىپتىق جانە شولۋ ەكسكۋرسيالارىن تىڭداپ، ەلباسى كىتاپحاناسى قىزمەتىنىڭ باعىتتارىمەن جان-جاقتى تانىسا الادى.