قانات يسلام قازاقستاندىق «جىل تاڭداۋى» جوباسىنىڭ نۇسقاسى بويىنشا جىلدىڭ ۇزدىك سپورتشىسى اتاندى، دەپ Qamshy.kz اقپارات اگەنتتىگى قازاقپاراتقا سىلتەمە بەرىپ جازادى. بۇل تۋرالى قانات يسلامنىڭ PR-مەنەدجەرى بەرىك سۇلتان Facebook جەلىسىندەگى پاراقشاسىندا جازدى.
«قانات يسلام «جىل تاڭداۋى» جوباسىنىڭ نۇسقاسى بويىنشا جىل سپورتشىسى اتاندى. كاسىپقوي رينگتە 25 كەزدەسۋ وتكىزىپ بارلىعىندا جەڭىسكە جەتكەن، ونىڭ 20-سىن نوكاۋتپەن ۇتقان ۇلتىمىزدىڭ ماقتانىشى، WBA intercontinental، WBO NABO چەمپيوندىق بەلبەۋىنىڭ يەگەرى قانات يسلام «قازاقستانداعى №1 جىل تاڭداۋى» - «التىن ادام» سىيلىعىنىڭ لاۋرەاتى جانە «جىل سپورتشىسى» اتاندى»، - دەيدى بەرىك سۇلتان.
ەسكە سالا كەتەيىك، ءبىرىنشى ورتا سالماقتا جۇدىرىقتاساتىن قانات يسلام سوڭعى جەكپە-جەگىن استانا قالاسىندا برەندون كۋككە قارسى وتكىزىپ، 9-شى راۋندتا تەحنيكالىق نوكاۋتپەن جەڭىسكە جەتكەن بولاتىن. ءسويتىپ وتانداسىمىز ءبىرىنشى ورتا سالماقتاعى WBO، NABO جانە WBA Inter-Continental چەمپيوندىق بەلبەۋلەرىن قورعاپ قالدى.
