10 قاراشادا استانادا ەكسپو اۆتوتۇراعىنداعى "I love Astana" جازۋىنىڭ الدىندا سۋرەتكە جارتىلاي جالاڭاش تۇسكەن التى شەتەلدىك تۋريست ۇستالدى دەپ حابارلايدى Tengrinews.kz. ەر ادامدار "بوراتتىڭ شومىلۋ كيىمى" اتالىپ كەتكەن كيىمدە بولعان. ولاردىڭ سۋرەتى الەۋمەتتىك جەلىدە تارالىپ كەتىپ، جەلى قولدانۋشىلاىنىڭ اشۋىنا تيگەن.
استانا ءىىد-نىڭ باسپا ءسوز حاتشىسى سوفيا قىلىشبەكوۆا ۇستالعاندار چەحيا ازاماتتارى ەكەنىن مالىمدەدى. ولارعا قاتىستى "ۇساق بۇزاقىلىق" بابى بويىنشا ءىس قوزعالعان. "ماتەريالدار استانانىڭ مامانداندىرىلعان اۋدانارالىق اكىمشىلك سوتىنا جولداندى"، - دەلىنگەن حابارلامادا. سونىمەن قاتار، اكىمشىلىك سوت ۇستالعان ءار شەتەلدىككە 10 اەك (1 اەك - 2269 تەڭگە) كولەمىندە ايىپپۇل سالۋ تۋرالى شەشىم شاعىرعانى بەلگىلى بولدى. 
