بۇرىندارى وبلىس اكىمى ايماقتىڭ، ءتىپتى قالا اكىمىن سايلاپ، قالاعان كەزدە ورنىنان اۋىستىرۋعا قۇقىلى بولاتىن. كەيىنىرەكتە ءماسليحات كەلىسىمى قاجەت ەتىلگەندىكتەن، بۇل ءۇردىس كۇردەلەنە ءتۇستى. دەگەنمەن، ول جاي عانا قۇجات جۇزىندەگى ءىس بولاتىن. ال كەي ءبىر جاعدايلاردا ءماسليحات شىن مانىندە دە سايلاۋعا ارالاسىپ، وبلىس اكىمى ۇسىنعان كانديداتقا كەلىسىم بەرمەگەن كەزدەر دە ۇشىراساتىن. بۇل جاعداي وقو-دا دا بولعان ەدى.

بۇدان بىرەر جىل بۇرىن بارلىق ايماق اكىمدەرى مەملەكەتتىك «ا» كورپۋسىنىڭ قىزمەتكەرلەرى قاتارىنا ەنگىزىلدى. ارينە، وسىدان باستاپ، ولارعا قويىلاتىن تالاپ تا كۇشەيدى. ال وبلىس اكىمدەرى بۇرىنعىسىنشا، ءوز ادامدارىن سايلاي المايتىن بولدى. ول ءۇشىن كانديدات بارلىق تەستىلەۋدەن ءوتىپ، تالاپتارعا ساي بولۋى كەرەك.

تەك ءبىر عانا اكىمدەر ساناتى وزگەرىسسىز قالدى، ولار وبلىس ورتالىقتارىن باسقارۋشىلار ەدى. بۇل لاۋازىمعا بۇرىنعىسىنشا، وبلىس اكىمى قالاعان ادامىن ءماسليحات ارقىلى سايلاۋعا مۇمكىندىگى بار.

ماسەلەن، كۇتپەگەن جاعدايدا وبلىس ورتالىعىن عابيدوللا راحماتوللا ۇلى باسقارعان ساتتەن باستاپ، جاعداي كۇرت وزگەردى. ەندىگى جەردە قالانى شىن مانىندە دە قالا اكىمى باسقاراتىن بولدى. ارينە، ول بەلگىلى ءبىر دەڭگەيدە وبلىس اكىمىنە باعىنعانمەن، ءوزى دە قانشاما مۇمكىندىككە يە بولا باستادى. ءابدىراحىموۆ باسقارعان ساتتەن باستاپ، قالا اكىمى ستاتۋسى ايتارلىقتاي كۇشەيە ءتۇستى.

عابيدوللا ءابدىراحىموۆ (31.10.2017) ورنىنان كەتكەندە شىمكەنتتىڭ جاڭا اكىمى لاۋازىمىن يەلەنگەن كانديدات اسقان ۇقىپتىلىقپەن تاڭدالعان سىڭايلى. سەبەبى، شىمكەنتتىڭ جاڭا اكىمى اراعا ءبىر اپتا ۋاقىت سالىپ قانا تاعايىندالعان بولاتىن. بۇل قالا تاريحىنداعى ءبىر جەتى اكىمسىز ءومىر سۇرگەن العاشقى وقيعا ەدى.

شىمكەنت قالاسىنىڭ 14ء-شى اكىمى- نۇرلان ساۋرانبايەۆ

7 قاراشادا وبلىس اكىمى جانسەيىت تۇيمەبايەۆ ءماسليحات ماقۇلداۋىمەن شىمكەنت قالاسىنىڭ جاڭا اكىمى ەتىپ نۇرلان ساۋرانبايەۆتى سايلادى.  ساۋرانبايەۆ - امالبەك تشانوۆتان باستالاتىن شىمكەنت قالاسىنىڭ اكىمدەر تىزىمىندە رەتتىك ءنومىرى بويىنشا 14ء-شى اكىم.

نۇرلان ەرمەك ۇلى ساۋرانبايەۆ 50 جاستا، ول 1967 جىلى كەڭەستىك قازاقستاننىڭ جامبىلىندا دۇنيەگە كەلگەن. ءوزى قۇرعان وتباسىندا ەكى قىز، ءۇش ۇلى بار. ءبىراز ۋاقىتىن كاسىپكەرلىكپەن اينالىسۋعا جۇمساعان.

نۇرلان ەرمەك ۇلى ءبىلىمى جوعارى، ماماندىعى بويىنشا بىلىكتىلىگى - ەكونوميست. قازاق، ورىس جانە اعىلشىن تىلدەرىن جەتىك مەڭگەرگەن ول قازاقستانداعى ەڭ ىقپالدى تۇلعالاردىڭ ءبىرى.

اكىمدىككە سايلانعان ساتتەن باستاپ، ول قالا اكىمىنىڭ بلوگىندا عالامتور قولدانۋشىلارىمەن امانداسىپ، قالا تۇرعىندارىن ايىنا ءبىر رەت 1،5 ساعات قابىلداي الاتىندىعىن جەتكىزگەن ەكەن. ول ءاربىر ايدىڭ ءۇشىنشى سارسەنبىسىندە ساعات 15.30-دان باستاپ 17.00-گە دەيىن قالا تۇرعىندارىن قابىلدايدى.

قۇرمەتتى شىمكەنتتىكتەر!

سىزدەردى شىمكەنت قالاسى اكىمدىگىنىڭ بلوگ-تۇعىرناماسىندا كورگەنىمە قۋانىشتىمىن!

جاڭا ينتەراكتيۆتىك رەسۋرس ارقىلى سۇحباتتاسۋ جانە كەرى بايلانىس ورناتۋ اكىمشىلىك توسقاۋىلداردى ازايتۋعا، مەملەكەتتىك ورگانداردىڭ جۇمىسىن باقىلاۋدى كۇشەيتۋگە، حالىققا قىزمەت كورسەتۋدىڭ ساپاسىن ارتتىرۋعا سەبىن تيگىزەتىنىنە، ال ءبىزدىڭ ىنتىماقتاستىعىمىز ەكى جاققا دا پايدالى ءارى قىزىقتى بولاتىنىنا سەنىمدىمىن...

ونىمەن قوسا، شىمكەنت قالاسى اكىمى جاڭا تەحنولوگيالار يندۋسترياسىنىڭ ۆيسە ءمينيسترى قىزمەتىن اتقارعاندا، كاراۆان باسىلىمىنا «قازاقستان 1 جىلدا ميلليارد تۋريست قابىلداۋعا اۋقىمى جەتەدى» دەگەن ەدى. مۇنى ايتقان اكىم، شىمكەنتتى دە تۋريستەرگە تولتىرۋىنا سەنىمدىمىز.

ەڭبەك جولى

ەڭبەك جولىن 1991 جىلى استانا قالاسىندا «ەڭبەك» كومپانياسىنىڭ باس ديرەكتورى بولىپ باستاعان.

1997-2002 جىلدارى قازاقستاننىڭ كاسىپكەرلەر كونگرەسسىنىڭ اتقارۋشى ديرەكتورى، «قازاقستان تەمىر جولى» رەسپۋبليكالىق مەملەكەتتىك كاسىپورىننىڭ «جولاۋشىلار تاسىمالى» ەنشىلەس كاسىپورىن ديرەكتورى، «انپز» اشىق اكسيونەرلىك قوعامىنىڭ ءبىرىنشى ۆيسە-پرەزيدەنتى بولىپ ەڭبەك ەتكەن.

2002-2016 جىلدارى «قازمۇنايگاز» ۇلتتىق كومپانياسى» اكسيونەرلىك قوعامىنىڭ ينجينيرينگتىك جانە سەرۆيستىك قىزمەتتەر دەپارتامەنتىنىڭ ديرەكتورى، مۇنايدى تاسىمالداۋ جونىندەگى باسقارۋشى ديرەكتورى، سەرۆيستىك جوبالار جونىندەگى باسقارۋشى ديرەكتورى، قازاقستان رەسپۋبليكاسىنىڭ يندۋستريا جانە جاڭا تەحنولوگيالار ۆيسە-مينيسترى، قازاقستان رەسپۋبليكاسىنىڭ قورعانىس ءمينيسترىنىڭ ورىنباسارى لاۋازىمدارىن اتقارعان.

2017 جىلدىڭ اقپان ايىنان باستاپ ەكسپو-2017 حالىقارالىق مامانداندىرىلعان كورمەسىن ازىرلەۋ جانە وتكىزۋ ماسەلەلەرى جونىندەگى شتابتىڭ ۇيىمداستىرۋ كوميتەتىنىڭ باسشىسى لاۋازىمىن اتقارىپ كەلگەن.

«قۇرمەت» جانە «پاراسات» وردەندەرىمەن، «قازاقستان رەسپۋبليكاسىنىڭ تاۋەلسىزدىگىنە 20 جىل» مەرەكەلىك مەدالىمەن ناگرادتالعان.