الماتى قالاسى ناۋرىزباي اۋدانىندا «شۇعىلا» ىقشام اۋدانىندا حالىققا قىزمەت كورسەتۋ ورتالىعىنىڭ شاڭىراعىندا الماتى قالالىق مەملەكەتتىك قىزمەت ىستەرى جانە جەمقورلىققا قارسى كۇرەس دەپارتامەنتىنىڭ ۇيىمداستىرۋىمەن «مەملەكەتتىك قىزمەتتەر جارمەڭكەسى» بولىپ ءوتتى، دەپ حابارلايدى Qamshy.kz اقپارات اگەنتتىگى.

اتالمىش شارانىڭ نەگىزگى ماقساتى – حالىقتىڭ مەملەكەتتىك قىزمەتتىڭ كومەگىن الۋ كەزىندە ادىستەمەلىك-تۇسىندىرۋ اۋقىمىن كەڭەيتۋ بولىپ تابىلادى.

الماتى قالاسى ناۋرىزباي اۋداندىق حالىققا قىزمەت كورسەتۋ ورتالىعىندا بولعان «مەملەكەتتىك قىزمەتتەر جارمەڭكەسىنە» ءبىلىم، دەنساۋلىق ساقتاۋ، ارحيتەكتۋرا، جەر ماسەلەلەرى، تۇرعىن ۇيلەر، الەۋمەتتىك باعدارلامالار جانە جۇمىسپەن قامتۋ سالالارى بويىنشا قاجەتتى مەملەكەتتىك قىزمەت تۇرلەرىن كورسەتەتىن الماتى قالاسىنىڭ جەرگىلىكتى جانە قۇرىلىمدىق ورگاندارىنىڭ بىلىكتى ماماندارى قاتىستى.

اۋدان تۇرعىندارى ءۇشىن اتالمىش جارمەڭكەنىڭ ماڭىزى وتە زور بولىپ تابىلادى. تۇرعىندار شارا بارىسىندا جەر ماسەلەسى، تۇرعىن ءۇي، دەنساۋلىق ساقتاۋ، ءبىلىم بەرۋ، قالا قۇرىلىسى مەن ساۋلەت سالاسى، جۇمىسپەن قامتۋ جانە الەۋمەتتىك باعدارلامالار توڭىرەگىندە وزدەرىن تولعاندىرىپ جۇرگەن ساۋالدارى بويىنشا ءتيىستى سالا باسشىلارىنىڭ قىزمەتىنە جۇگىنىپ، اقىل-كەڭەس الا الدى. جارمەڭكەگە كەلۋشىلەردىڭ بارلىعى سول كۇنى ەلەكتروندى قولتاڭبا الۋ مۇمكىندىگىنە دە يە بولدى. جارمەڭكەگە قاتىسقان مەملەكەتتىك مەكەمە قىزمەتكەرلەرى كەلۋشىلەردىڭ قازىرگى كەزدە ەلەكتروندى جۇيە بويىنشا كورسەتىلەتىن قىزمەت تۇرلەرىمەن تانىستىرىپ، ەلەكتروندى قولتاڭبانى قولدانۋ ءتارتىبىن ءتۇسىندىردى.

سونىمەن قاتار، قالا تۇرعىندارىنا بىلىكتى مامانداردىڭ كومەگىمەن ءتۇرلى سالاداعى باعىتتاردا مەملەكەتتىك قىزمەتتەر كورسەتىلىپ، شارا بارىسىندا قاتىسۋشىلارعا ەلەكتروندى ساندىق قولتاڭبا جاساي الدى.

– ەلەكتروندى قولتاڭبا العان تۇرعىندار ەندى  ۇيدە وتىرىپ-اق وزدە­رىنە قاجەتتى  مەملەكەتتىك قىزمەت ءتۇر­لەرىن پاي­دالانا الادى. جارمەڭكەنى ۇيىمداستىرۋ­داعى ەڭ باستى ماقساتى­مىز دا سول اۋدان تۇرعىن­دارى­نا ەلەكتروندى مەملەكەتتىك قىزمەت تۇرلەرىن تانىستىرىپ، ولاردىڭ بۇدان بىلاي  ۇيدە وتىرىپ  وزدەرىنە قاجەتتى قىزمەت ءتۇرىن پايدالانۋلارىنا ءمۇم­كىن­دىك جاساۋ بولاتىن. جارمەڭكەگە جالپى 20-دان استام جەرگىلىكتى جانە ايماقتىق مەملەكەتتىك قىزمەت كور­سەتەتىن مەكەمەلەردىڭ وكىلدەرى قاتىستى.  سونىمەن قاتار، «اتامەكەن» كاسىپكەرلەر پالاتا­سىنىڭ جانە «تۇرعىن  ءۇي قۇرىلىس جيناق بانكى» وكىلدەرىن دە قاتىسىپ، تۇرعىن­دار جاڭا تۇرعىن ءۇي باعدارلامالارى بويىنشا دا كەڭەس الدى. پروكۋراتۋرا قىزمەت­كەرلەرىنىڭ دە كومەگىنە جۇگىنگەن تۇر­عىندار جارمەڭ­كە جۇمىسىنا جاقسى باعا بەردى، – دەيدى الماتى قالاسى بويىنشا مەملەكەتتىك ىستەر جانە جەمقورلىققا  قارسى كۇرەس دەپار­تامەنتى باسشىسىنىڭ ورىنباسارى شىنار ءالىمحان.