2017 جىلدىڭ 22 قاراشاسى كۇنى 10.00-دە ق ر ۇلتتىق كىتاپحاناسىندا الماتى قالاسى ءدىن ىستەرى جونىندەگى باسقارمانىڭ قولداۋىمەن «ادىرنا» ۇلتتىق-ەتنوگرافيالىق بىرلەستىگى ەلباسىنىڭ «بولاشاققا باڭدار: رۋحاني جاڭعىرۋ» باعدارلاماسىنىڭ اياسىندا، «الاش وردا» ۇكىمەتىنىڭ قۇرىلعانىنا 100 جىل تولۋىنا وراي «الاش وردا: ۇلتتىق يدەيا جانە ءدىن ماسەلەلەرى» اتتى رەسپۋبليكالىق عىلىمي-تاجىريبەلىك كونفەرەنسيا ۇيىمداستىرادى.

كونفەرەنسيانىڭ ماقساتى – شوقان ءۋاليحانوۆ، اباي، شاكارىم، ءماشھۇر-جۇسىپ كوپەيەۆ باستاپ ءاليحان، ءمىرجاقىپ، احمەت ءتارىزدى الاش قايراتكەرلەرىنىڭ ۇلتتىق يدەيا جانە ءدىن ماسەلەلەرى جايىنداعى وي-تولعامدارىن ورتاعا سالۋ، عالىمداردىڭ قاتىسۋىمەن تالقىلاۋ. الاشتىقتار ۇلتتىق يدەيا، ۇلتتىق قۇندىلىقتار ارقىلى قازاقتى وياتىپ، ۇلتتىق مەملەكەت قۇرۋ ماسەلەسىن قويدى، الەمدىك وركەنيەتكە كىرىگۋدىڭ جولدارى مەن شارتتارىن قاراستىردى. ولار جاستاردىڭ تاريحى مەن تامىرىن تەرەڭ ءبىلىپ، ساپالى ءبىلىم الىپ، كاسىپ يگەرىپ، باي-باقۋاتتى بولۋىن اڭسادى. سول وزەكتى ماسەلەلەر ارادا ءبىر عاسىر ۋاقىت وتسە دە سول قالپىندا ماڭىزدى بولىپ قالىپ وتىر.

كونفەرەنسيانىڭ نەگىزگى ماسەلەلەرى مەن باعىتتارى:

- الاش يدەياسىنىڭ ءمانى جانە قالىپتاسۋ كەزەڭى؛ 
- الاشوردالىقتاردىڭ ۇلتتىق يدەيا جانە ءدىن ماسەلەسىندەگى ۇستانىمدارى؛ 
- الاش يدەيالارىنىڭ بۇگىنگى كۇنمەن تاريحي ساباقتاستىعى.
كونفەرەنسياعا حانگەلدى ءابجانوۆ، تالاس وماربەكوۆ، سۆەتلانا سماعۇلوۆا، بولاتبەك ناسەنوۆ، ەركىن ەرمۇحانوۆ جانە ت.ب. بەلگىلى تاريحشىلار قاتىسادى.

«الاش وردا» ۇكىمەتىنىڭ قۇرىلعانىنا 100 جىل تولۋىنا وراي
«ازات رۋحتىڭ الداسپاندارى» اتتى ءداستۇرلى مۋزىكالىق كونسەرتى وتەدى.

2017 جىلدىڭ 22 قاراشاسى كۇنى «الاتاۋ» ءداستۇرلى ونەر تەاترىندا الماتى قالاسى ءدىن ىستەرى جونىندەگى باسقارمانىڭ قولداۋىمەن «ادىرنا» ۇلتتىق-ەتنوگرافيالىق بىرلەستىگى ەلباسىنىڭ «بولاشاققا باعدار: رۋحاني جاڭعىرۋ» باعدارلاماسىنىڭ اياسىندا «الاش وردا» ۇكىمەتىنىڭ قۇرىلعانىنا 100 جىل تولۋىنا وراي «ازات رۋحتىڭ الداسپاندارى» اتتى ءداستۇرلى مۋزىكالىق كونسەرت ۇيىمداستىرادى.

ءداستۇرلى مۋزىكالىق كونسەرتتىڭ ماقساتى – ازاتتىق جولىندا قۇربان بولعان، اتىلعان، اباقتىعا جابىلعان، جەر ايدالعان كومپوزيتورلاردىڭ تاعدىرلى شىعارمالارى مەن تاۋەلسىزدىك، ۇلت تاعدىرى تۋراسىنداعى حالىقتىق ان-كۇيلەردى ەل نازارىنا ۇسىنۋ. سونىمەن قاتار اتاۋى شارادا جاس تولقىنعا ءوز تاريحىن تانىتىپ، وتانسۇيگىشتىك قاسيەتتەردى ءسىڭىرۋ ءىسى باستى ماقساتتىڭ ءبىرى بولماق.

كونسەرتكە جولامان قۇجيمانوۆ، رامازان ستامعازييەۆ، ەرلان تولەۋتاي، ەركىن شۇكىمانوۆ، ارداق يساتايەۆا، تالعات مۇقىشيەۆ، امانگەلدى كۇزەۋباي جانە تاعى باسقا بەلگىلى ونەر يەلەرى قاتىسادى دەپ كۇتىلۋدە.

قوسىمشا اقپارات: اتاۋلى كونسەرت اياسىندا «الاتاۋ» ءداستۇرلى ونەر تەاترىندا «الاش وردانىڭ» 100 جىلدىعىنا ارنالعان قولونەر كورمەسى ۇيىمداستىرىلادى.  

بايلانىس: +77022702102، +77072702102
ەلەكتروندى مەكەن-جاي: adyrna@bk.ru