ۇلت كوسەمى ءاليحان بوكەيحاننىڭ تۋعان كۇنىنە بايلانىستى ۇيىمداستىرىلعان "الاش جانە ءدىن" دەرەكتى ءفيلمى شىقتى. دەرەكتى ءفيلمدى ش.مۇرتازا اتىنداعى حالىقارالىق تاراز ۋنيۆەرسيتەتىنىڭ قولداۋىمەن ORDA LIFE يۋتۋب-كانالى تۇسىرگەن.
ءاليحان نۇرمۇحامەد ۇلى 1866 جىلدىڭ 5 ناۋرىز كۇنى قاراعاندى وبلىسى اقتوعاي اۋدانىندا دۇنيەگە كەلگەن. كەلەر جىلى ۇلت كوسەمىنىڭ 160 جىلدىق مەرەيتويى كەلە جاتىر. سونداي-اق بيىل باقىتجان قارتايەۆتىڭ 165، عۇمار قاراش پەن سالىمگەرەي ءجانتوريننىڭ 150، ءمىرجاقىپ دۋلات ۇلىنىڭ 140 جىلدىق مەرەيتويى اتالىپ وتىلەدى. جۋرناليست سەرىك جولداسباي وسى مەرەيلى داتاعا وراي الاش ارىستارىنىڭ ءدىني ۇستانىمى جايلى زەرتتەۋىن كورەرمەنگە ۇسىندى.
دەرەكتى فيلم ءحىح عاسىردىڭ اياعى مەن حح عاسىردىڭ باسىنداعى ەلىمىزدەگى ءدىني احۋال تۋرالى. ياعني، فيلمدە 1905 جىلعى ايگىلى قارقارالى پەتيسياسىن دا ءسوز بوستاندىعى مەن انا تىلىندە وقۋدان بولەك ءدىني ەركىندىك پروبلەماسى كوتەرىلگەن.
پىكىر قالدىرۋ