2025 جىلدىڭ 4 ناۋرىزىندا الماتى قالاسىنداعى № 4 كىتاپحانادا تۇراقتى دامۋ ماقساتتارى (تدم 4) اياسىندا «ءححى عاسىر داعدىلارى» اتتى تانىمدىق ترەنينگ ءوتتى. ءىس-شارانى ءال-فارابي اتىنداعى قازۇۋ https://farabi.university/ پەداگوگيكا جانە ءبىلىم بەرۋ مەنەدجمەنتى كافەدراسىنىڭ دوسەنتى، پەد.ع.ك. ب.ي. يمانبەكوۆا جانە  قازاق ادەبيەتى مەن ادەبيەت تەورياسى كافەدراسىنىڭ اعا وقىتۋشىسى، ف.ع.د. گ.ج. بولاتوۆانىڭ جەتەكشىلىگىمەن «8D02304 – ادەبيەتتانۋ» ماماندىعىنىڭ 1-كۋرس دوكتورانتتارى ۇيىمداستىردى. ترەنينگتىڭ ماقساتى – تەحنولوگيا قارقىندى دامىپ، جۇمىس نارىعى وزگەرىپ، الەمدى جاھاندانۋ باسقان ءححى  عاسىردا كەز كەلگەن سالادا تابىستى بولۋعا جانە ءومىردىڭ وزگەرىستەرىنە بەيىمدەلۋگە كومەكتەسەتىن جاڭا داعدىلاردى مەڭگەرتۋ.

ترەنينگكە قارا شاڭىراق فيلولوگيا فاكۋلتەتىنىڭ 2، 3-كۋرس ستۋدەنتتەرى مەن دوكتورانتتارى،  جوعارى وقۋ ورنىنا دەيىنگى دايىندىق كافەدراسىنىڭ شەتەل ازاماتتارى، سونىمەن قاتار قازاق ۇلتتىق قىزدار پەداگوگيكالىق ۋنيۆەرسيتەتىنىڭ ستۋدەنتتەرى قاتىستى.

ترەنينگ باراسىندا ستۋدەنت جاستاردى اقپاراتتى كريتيكالىق ويلاۋ جانە اناليز جاساۋ، تالداۋ كەرەكتىگى تۇسىندىرۋگە باعىتتالعان كريتيكالىق (سىني) ويلاۋ، قازىرگى قوعامداعى ءتۇرلى باعىتتاعى مانيپۋلياسيالاردىڭ (ءتۇرلى جارنامالاردىڭ) الدىن الۋ جانە سەزىمدەردى ۋاقىتىندا ءتيىمدى باسقارۋ جولدارىن كورسەتكەن ەموسيونالدى ينتەللەكت، جەكە قارجىسىن ءتيىمدى باسقارۋ، تابىس پەن شىعىستاردى جوسپارلاۋ، جيناق جاساۋدى تۇسىندىرگەن قارجىلىق ساۋاتتىلىق، ۋاقىتتى ءتيىمدى جۇمساۋ، ماقسات قويۋ مەن جوسپار جاساپ، ونى جۇزەگە اسىرۋدىڭ جولدارىن ۇسىنعان ۋاقىتتى ءتيىمدى پايدالانۋ جانە باسقارۋ، دۇرىس تاماقتانىپ، سپورت جاتتىعۋلارىن ۇنەمى جاساعان ادام ءونىمدى جۇمىس ىستەيتىندىگىن دالەلدەگەن سالاۋاتتى ءومىر سالتىن ساقتاۋ، تاۋەكەلدەرگە بارىپ شەشىم قابىلداۋ جولدارىن انىقتاعان شەشىم قابىلداۋ داعدىلارىمەن تانىستىردى سونداي-اق ترەنينگ جۇرگىزۋشى دوكتورانتتار تاراپىنان تىڭ اقپاراتتارى بەرىلدى. ءار داعدى بويىنشا پەرەزەنتاسيالىق تانىستىرىلىمدار، ۆيدەو-روليكتەر كورسەتىلدى، ويىندار ويناتىلدى. ترەنينگتە ايتىلعان ماسەلەلەردى قورىتىندىلاۋ ماقساتىندا سۇراق-جاۋاپ ءادىسى جۇرگىزىلدى. ۇزدىك، بەلسەندى ستۋدەنتتەر سىيلىقتارمەن ماراپاتتالدى.  ءىس-شاراعا قاتىسۋشىلار ارنايى QR كود ارقىلى ءىس-شاراعا ءوز پىكىرلەرى مەن اسەرلەرىن ءبىلدىردى. اسىرەسە اتامەكەنگە ءبىلىم ىزدەپ كەلگەن قانداستار وسىنداي مادەني-تانىمدى ءىس-شاراعا وتە ريزا.

ءال-فارابي اتىنداعى قازاق ۇلتتىق ۋنيۆەرسيتەتى

1-كۋرس دوكتورانتتارى گ.ك. ۋتەپبەرگەنوۆا، گ.م. مۋجيگوۆا، ك.س. ءسابيت،