مەكتەپ كەستەسىن قۇراستىرۋ — بىرنەشە اپتاعا دەيىنگى ۋاقىتتى الاتىن ءارى كوپ جۇمىستى قاجەت ەتەتىن پروسەسس. اكىمشىلىك پەداگوگتەردىڭ جۇكتەمەسىن، كابينەتتەردىڭ بوس بولۋىن ەسكەرىپ قانا قويماي، ساباقتاردىڭ قاباتتاسپاۋىن قامتاماسىز ەتۋى كەرەك. ەندى بۇل جۇمىستى تولىقتاي اۆتوماتتاندىرۋعا جانە جەڭىلدەتۋگە بولادى.
Bilim Group EdTech ەكوجۇيەسى ازىرلەگەن تەگىن BilimClass ەلەكتروندىق جۋرنالىندا مەكتەپ پەن ءمۇعالىم ءۇشىن ماڭىزدى تۇستاردى ەسكەرىپ، كەستەنى وزدىگىنەن قالىپتاستىراتىن كونسترۋكتور پايدا بولدى. سىنىپ سانى 100-گە جەتەتىن مەكتەپتەر ءۇشىن جۇيە دايىن كەستە نۇسقاسىن ءبىر مينۋتتان اسپايتىن ۋاقىت ىشىندە قۇراستىرادى. BilimClass ازىرلەمەسىنىڭ جەتەكشىسى فارحات ۇسەن جاڭا فۋنكسيانىڭ ناقتى قالاي جۇمىس ىستەيتىنىن جانە نەلىكتەن ونىڭ مىڭداعان ءمۇعالىمنىڭ جۇمىسىن جەڭىلدەتەتىنىن ايتىپ بەردى.
ساباق كەستەسىن ءبىر مينۋتتا ازىرلەۋ — ەندى وڭاي
بۇعان دەيىن كەستەگە جاۋاپتى مامان ونى ەلەكتروندىق كەستەلەردە نەمەسە سىرتقى باعدارلامالاردا قۇراستىرىپ، ەلەكتروندىق جۋرنالعا دايىن كۇيىندە كوشىرەتىن. ەندى كەستەنى جۇيەنىڭ وزىندە قالىپتاستىرىپ، وزگەرىستەردى دايىن كەستەگە ەنگىزۋگە بولادى. بۇدان بولەك، جۇيە كەستەنى قولمەن جاساعاندا ءجيى كەتەتىن قاتەلىكتەردى شەشەدى: ءمۇعالىمنىڭ دە، ساباقتىڭ دا قاباتتاسىپ كەتۋىنە جول بەرمەيدى.
BilimClass ازىرلەمەسىنىڭ جەتەكشىسى فارحات ۇسەننىڭ ايتۋىنشا، كەستەنى اۆتوماتتى تۇردە قۇراستىرۋ كەزىندە جۇيە سانيتارلىق تالاپتاردى قاتاڭ ەسكەرەدى: وقۋ جۇكتەمەسىن اپتا كۇندەرىنە تەڭ بولەدى جانە كۇردەلىلىگى جوعارى پاندەردى ءبىر سىنىپقا كۇنىنە ەكى رەت قويمايدى. كابينەت تاڭداعاندا الدىمەن مۇعالىمگە بەكىتىلگەن بولمە، سودان كەيىن پانگە ارنالعان ارنايى كابينەت، ال ولار بوس بولماسا، امبەباپ كابينەت ەسەپكە الىنادى. ەگەر سىنىپ توپقا بولىنسە، جۇيە ءبىر ءپان بويىنشا ساباقتاردى ءبىر ۋاقىتقا قويادى، بۇل رەتتە ءار توپتىڭ ءوز ءمۇعالىمى مەن كابينەتى ساقتالادى. كەستەنى ءبولۋدى باستاماس بۇرىن كونسترۋكتور ەنگىزىلگەن مالىمەتتەردى تەكسەرىپ، قاي اقپاراتتىڭ جەتىسپەيتىنىن كورسەتەدى: بارلىق ەسكەرتۋ ەسكەرىلمەيىنشە، كەستەنى قۇراستىرۋ پروسەسى باستالمايدى.
كەستەنىڭ تۇپكىلىكتى نۇسقاسىن جاۋاپتى مامان ءوزى بەكىتەتىنىن اتاپ وتكەن ءجون. جۇيە بولە الماعان ساباقتار سەبەبىمەن بىرگە (ءمۇعالىمنىڭ، بوس ۋاقىتتىڭ نەمەسە كابينەتتىڭ تاپشىلىعى) بولەك تىزىمگە شىعارىلادى. كەستەگە جاۋاپتى مامان مالىمەتتەردى تۇزەتىپ، تەك بولىنبەي قالعان ساباقتاردى قايتا قاراۋعا جىبەرەدى، ال كەستەنىڭ دايىن بولىگى مەن ەنگىزىلگەن وزگەرىستەر اۆتوماتتى تۇردە ساقتالىپ وتىرادى. بۇدان بولەك، بەلگىلى ءبىر ساباقتى ناقتى كۇن مەن ۋاقىتقا بەكىتىپ قويۋعا بولادى، ال قالعان كەستە سوعان ىڭعايلاستىرىلىپ قۇرىلادى. سونداي-اق كەستە رەسمي تۇردە جاريالانعانعا دەيىن ونى مۇعالىمدەر دە، وقۋشىلار دا كورە المايدى.
«بiزدە بار دەرەكتەر بويىنشا، 71 سىنىبى، 178 پەداگوگى بار مەكتەپتەردە كەستەنى قولمەن قۇراستىرۋ ەكى-ۇش اپتاعا سوزىلادى جانە ساباقتاردىڭ قاباتتاسپاۋىن ۇنەمى قاداعالاپ وتىرۋدى تالاپ ەتەدى. كونسترۋكتوردىڭ كومەگىمەن 100 سىنىبى بار مەكتەپتەردە كەستەنى قالىپتاستىرۋ ءبىر مينۋتتان اسپايدى جانە ساباقتاردىڭ كەم دەگەندە 85%-ى ءبىرىنشى رەتتەن-اق ەش تۋزەتۋسىز بولىنەدى. سونىمەن قاتار كەستەنى قولمەن جەتىلدىرۋگە بولادى، ال كەستە بويىنشا تۇپكىلىكتى شەشىمدى ديرەكتوردىڭ ورىنباسارى قابىلدايدى»، — دەيدى فارحات ۇسەن.
بۇگىنگى تاڭدا BilimClass-تى قازاقستاننىڭ 16 وڭىرىندە 2،75 ميلليون وقۋشى، 307 مىڭ پەداگوگ جانە 6 000-نان استام مەكتەپ پايدالانادى. 2026 جىلدىڭ كوكتەمىندە مۇعالىمدەر مەن اتا-انالار اراسىندا جۇرگىزىلگەن ساۋالناما پايدالانۋشىلاردىڭ پلاتفورمانىڭ قولايلىلىق پەن جەكە دەرەكتەردىڭ قورعالۋىن جوعارى باعالايتىنىن كورسەتكەن.
انىقتاما ءۇشىن: Bilim Group — 15 جىلدان اسا مەكتەپكە دەيىنگى جاستان باستاپ كاسىبي دامۋعا دەيىنگى وقۋ جولىن سۇيەمەلدەيتىن كەشەندى شەشىمدەردى جاساپ كەلە جاتقان ۇلتتىق سيفرلىق ءبىلىم بەرۋ ەكوجۇيەسى. وسىلايشا Bilim Group مەملەكەتكە جانە مەكتەپتەرگە قازاقستاننىڭ بارلىق وڭىرىندە قولجەتىمدى ءارى تۇراقتى ءبىلىم بەرۋدى قامتاماسىز ەتۋگە كومەكتەسەدى. بۇگىندە ەكوجۇيە شەشىمدەرىن 5 ميلليوننان استام ادام، 350 مىڭنان استام پەداگوگ جانە 6 مىڭنان استام مەكتەپ پايدالانادى.
