اتىراۋلىق جىگىت الىپ قاشقان اقتوبەلىك قىزدىڭ ءولىمى جونىندە تۋىسقاندارى ايتىپ بەردى. 19 جاستاعى دانارا كايپوۆا وز-وزىنە قول جۇمساعان ەكەن. بۇل تۋرالى Qamshy.kz اقپارات اگەنتتىگى kazpress-ke سىلتەمە بەرە وتىرىپ جازادى.

قىزدىڭ كۇتپەگەن جاعدايدا قازا بولعاندىعى تۋرالى قارالى حاباردى، ونىڭ تۋىستارى كۇيەۋ جىگىت تاراپىنان توي كۇنىن قاشان بەلگىلەيتىندىگىن كۇتىپ جۇرگەن كەزدە ەستىگەن. قىزبەن سوڭعى رەت 4ء-شى قاراشادا تىلدەسكەن اناسى بىلاي دەدى:

«ماما ۇيگە قوناقتار كەلدى، مەنىڭ قولىم بوس ەمەس. سىزگە كەيىنىرەك حابارلاسامىن،- دەپ تەلەفون تۇتقاسىن قويا سالدى. قىزىمىز بىزگە كۇيەۋى مەن اتا-ەنەسى جاقسى ادامدار دەپ ايتىپ ءجۇردى. ءبىز وعان سەنىپ جۇرسەك...

بۇگىندە ول ەركەكتىڭ ايەلى مەن ەكى بالاسى بار ەكەندىگىن ءبىلىپ وتىرمىز. ول ءبىزدىڭ قىزىمىزعا ەشتەڭە ايتپاعان. دانارا وسى شىندىقتى بىلگەننەن كەيىن، شىداي الماي، وز-وزىنە قول جۇمساعان. ول اسىلىپ ءولدى. ولار مەنىڭ 19 جاستاعى قىزىمنىڭ ابىرويىن توكتى. العان جىگىتى ايەلى مەن بالا-شاعاسى بار ەكەندىگىن جاسىرعان»،- دەپ قايعى شەككەن دانارانىڭ اناسى ءىنجۋ بولعان وقيعانىڭ انىق-قانىعىن جايىپ سالدى.

دانارانىڭ تۋىسقاندارى تەرەڭساي ايماعىنىڭ ايتەكە بي اۋىلىندا تۇرادى. دانارانىڭ اناسى وسىدان بۇرىن دا ءبىر قىزىنان ايىرىلعاندىعىن ايتتى.

«مەن بەس بالانىڭ اناسىمىن، ەكى ۇل، ءۇش قىزىم بار. 2007 جىلى مەنىڭ 12 جاستاعى قىزىم سۋعا تۇنشىعىپ، قايتىس بولدى. ءدال 10 جىل وتكەن ۋاقىتتا ەكىنشى قىزىمدى كومىپ وتىرمىن»،- دەدى ول.

«قىزىمنىڭ ولىمىنە كىنالىلەردى زاڭنىڭ مەيىلىنشە قاتالدىعىنا سۇيەنىپ، جازاسىن تارتقىزعىم كەلەدى. ءبىراق ول ءۇشىن ماعان جاقسى قورعاۋشى كەرەك»،- دەيدى ءىنجۋ كوزىنە جاس الىپ.  

دانارانىڭ دەنەسىن اۋىلىنا الىپ كەلگەن، ونىڭ اعاسى التاي، پوليسيا وسى جاعداي بويىنشا، قىلمىستىق ءىس قوزعاعاندىعى جونىندە ايتتى.

«مەن نەمەرە قىزىمنىڭ دەنەسىن اتىراۋ وبلىسىنان الىپ كەلدىم. سول جەردە پوليسياعا ارىز جازىپ كەتتىم. ولار قىلمىستىق كودەكستىڭ 1 ءبولىمى 105 بابى بويىنشا ءىس قوزعادى (ادام نامىسىن قورلاۋ مەن قاتىگەز قارىم-قاتىناس جاساۋ ارقىلى ادامى وز-وزىنە قول جۇمساۋعا دەيىن اپارۋ)».

ەكسپەرتيزا دا اتىراۋدا جاسالدى. دەگەنمەن، ونىڭ ناتيجەسى بىزگە ءالى دە جاريالانعان جوق، ءبىر اپتا ۋاقىت تالاپ ەتىلەدى دەلىندى.

جىگىتتىڭ تۋىستارى دا ءالى ءتىس جارعان جوق. ءبىز ءالى كۇنگە دەيىن ءولىمنىڭ ناقتى قانداي جاعدايدا ورىن العاندىعى بەلگىسىز. ول جاي عانا ءولىپ قالدى. ونىڭ ولىمىنە كىم جاۋاپ بەرەتىندىگى دە بەلگىسىز»– دەدى التاي.