2017 جىلدىڭ 15 قاراشاسىندا بولات وتەمۇراتوۆتىڭ قورى جانە «قازاقستان رەسپۋبليكاسى قىزىل جارتى اي قوعامى» قب اراسىندا توتەنشە وقيعالار كەزىندە زارداپ شەككەن قازاقستان تۇرعىندارىنا كومەك كورسەتۋ اياسىندا ىنتىماقتاسۋ جونىندە مەموراندۋمعا قول قويىلادى،- دەپ جازادى Qamshy.kz اقپارات اگەنتتىگى. 

كومەك قارجى ForteBank كومەك كارتالارىنا اۋدارىلىپ، كەيىن ونى قىزىل جارتى اي قىزمەتكەرلەرى توتەنشە وقيعالار ورىن العان كەزدە زارداپ شەككەندەرگە ءبولىپ بەرەدى. كومەك سوماسى 67 200 000 تەڭگەنى قۇرايدى.  33 600 000 مولشەرىندەگى العاشقى ترانش 2017 جىلى، ال ەكىنشى ترانش 2018 جىلى اۋدارىلادى.

ءبىر كارتاعا اۋدارىلاتىن سوما 20 000 تەڭگەدەن باستاپ 30 000 مىڭ تەڭگەگە دەيىنگى ارالىقتا بولادى دەپ جوسپارلانىپ وتىر. بۇل قارجىعا تاماق، جەكە گيگيەنا زاتتارىن جانە تابيعي اپاتتىڭ العاشقى كۇندەرى ەڭ قاجەتتى زاتتاردىڭ بارلىعىن ساتىپ الۋعا بولادى. اتالمىش كومەك مەملەكەت تاراپىنان قابىلداناتىن شارالارمەن قاتار زارداپ شەككەندەرگە كورسەتىلەتىن ءبىرىنشى ماتەريالدىق قولداۋ رەتىندە كورسەتىلەتىن بولادى.

بولات وتەمۇراتوۆ قايىرىمدىلىق قورىنىڭ نەگىزىن سالۋشى وسىعان وراي بىلاي دەپ اتاپ ءوتتى: «تابيعي  اپات سالدارىنان ادامدار باسپاناسىز قالىپ، اس-سۋدان ايىرىلعان كەزدە مەن بۇعان بەي-جاي قاراپ تۇرا المايمىن. قوردىڭ، ForteBank-تىڭ جانە قىزىل جارتى اي قوعامىنىڭ بىرلەسە كۇش جۇمىلدىرۋى ارقاسىندا ءبىز زارداپ شەككەندەرگە العاشقى گۋمانيتارلىق كومەكتى كورسەتەتىن بولامىز. وسى كوپ تاراپتى باستامامىزدى بيزنەس وكىلدەرى جانە قوعامدىق ۇيىمدار قولدايدى دەپ ۇمىتتەنەمىز».

سەرىك اۋباكىروۆ، الماتى قالاسى توتەنشە وقيعالار دەپارتامەنتىنىڭ باستىعى: "توتەنشە وقيعالارعا دايىندالۋ جانە ارەكەت ەتۋ مەملەكەتتىك قۇرىلىمداردىڭ عانا ەمەس، سونىمەن بىرگە، ءاربىر قازاقستان ازاماتىنىڭ ءىسى بولۋى ءتيىس. بۇل قىزمەتتە ءارتۇرلى ۇيىمدار اراسىنداعى سەرىكتەستىك ەرەكشە ماڭىزعا يە".

قازاقستان قىزىل جارتى اي قوعامىنىڭ باس ديرەكتورى ەلەنا كيم: «ءبىزدىڭ ۇيىم اپاتتى جاعدايلار كەزىندە ارەكەت ەتۋ جانە زارداپ شەككەندەرگە كومەك كورسەتۋ بويىنشا كوپ جىلدىق تاجىريبە جيناقتاعان. ءبىز حالىقارالىق تاجىريبەنى قولدانا وتىرىپ، ءوز تەتىكتەرىمىزدى ۇدايى جەتىلدىرىپ وتىرامىز. اتالمىش سەرىكتەستىك اياسىندا دايىندالعان مۇنداي جۇيەنىڭ ارقاسىندا ءبىز تۇرعىندارعا بارىنشا جىلدام ءارى ءتيىمدى تۇردە كومەك كورسەتە الاتىن بولامىز. ال توتەنشە جاعدايلار كەزىندەگى ەڭ ماڭىزدىسى وسى ۋاقىت پەن تيىمدىلىك ەكەنى ءسوزسىز. بيزنەستىڭ، ازاماتتاردىڭ جانە بەيكوممەرسيالىق سەكتوردىڭ كۇش جۇمىلدىرۋى ناتيجەسىندە وسىنداي ومىرلىك ماڭىزعا يە جوبالار پايدا بولىپ وتىرعانىنا ءبىز اسا قۋانىشتىمىز».

«ForteBank» اق باسقارما ءتوراعاسى ماعجان اۋەزوۆ: «وسى جوباعا قاتىسىپ وتىرعانىمىز ءبىز ءۇشىن ۇلكەن مارتەبە ءارى زور جاۋاپكەرشىلىك. تابيعي اپات سالدارىنان تۋىنداعان توتەنشە وقيعالار كەزىندە زارداپ شەككەندەرگە شاپشاڭ ءارى جەدەل تۇردە كومەك كورسەتۋ اسا ماڭىزدى. قابىلداناتىن شەشىمدەر تەحنولوگيالىق جاعىنان جوعارى، ناقتى، سەنىمدى ءارى ايقىن بولۋى ءتيىس. بۇگىن قول قويىلعان مەموراندۋمنىڭ كوزدەگەنى ءدال وسى ماقسات».

«وتكەن جىلدارداعى تاجىريبەدەن تۇيگەنىمىز، قازاقستاندىقتار زارداپ شەككەندەرگە كومەك كورسەتۋدە الدىنا جان سالمايدى، - دەپ اتاپ ءوتتى بولات وتەمۇراتوۆ قورىنىڭ ديرەكتورى مارات ايتماعامبەتوۆ.  – ەرىكتىلەردىڭ ازىق-تۇلىكتەر مەن زاتتاردى جيناپ، ىرىكتەپ، جۇك كولىكتەرىن كيىم-كەشەك پەن ازىق-تۇلىكتەرمەن لىق تولتىرىپ تيەپ جاتقانىن كوردىك. بۇل ءبىزدىڭ ازاماتتاردى تەك جاقسى جاعىنان عانا كورسەتەدى. سول سەبەپتى دە ءبىز اپاتتى جاعدايدا زارداپ شەككەندەرمەن تىكەلەي بايلانىسا وتىرىپ جۇمىس جۇرگىزەتىن ۇيىمدارعا جاردەم  جاساۋ، وسى كومەكتى ۇتىمدى ءارى شاپشاڭ تۇردە كورسەتۋ جونىندە شەشىم قابىلدادىق».