الماتى اكىمى باۋىرجان بايبەك قالانىڭ ارىق جەلىلەرىن سالۋ جانە قايتا جاساۋدىڭ بارىسىن تەكسەردى، سونىمەن قاتار ۇلكەن الماتى وزەنى جاعالاۋىنىڭ، مەدەۋ جانە باسقا دا تاۋ بوكتەرلەرىنىڭ ىلديلى ۋچاسكەلەرىن نىعايتۋ جۇمىستارىمەن تانىستى.

الماتى اكىمى جۇمىس ساپارى بارىسىندا گەس1-باو اۆتوجولىنداعى ءقاۋىپتى ايماقتاعى سالىنىپ جاتقان قورعانىس نىسانىنىڭ قۇرىلىسىمەن جانە ىلديلى ۋچاسكەلەردى نىعايتۋ جۇمىستارىنىڭ بارىسىمەن تانىستى.

ۋچاسكەدە ءبىرقاتار جەر ءۇستى جۇمىستارى اياقتالعان، گابيوندى كونسترۋكسيالار مەن تىرەك قابىرعاسى ورناتىلعان.بوكتەرلى جەرلەردى ينجەنەرلىك قورعاۋ بارىسىندا انكەرلەرگە گابيوندى تورلار قويىلعان. گابيوننان جاسالعان كونسترۋكسيالار ينتەنسيۆتى سۋ جانە جەل ەروزياسى كەزىندە ءوزىنىڭ باستاپقى قالپىن ەش وزگەرتپەيدى. گابيوندار ۇزاق مەرزىمدى، نىسان توپىراقپان تولتىرىلادى، تاپتالادى، سودان كەيىن لاندشافتىڭ تابيعي ەلەمەنتىنە اينالادى. بۇگىنگى كۇنى قۇرىلىس مەردىگەرى «Saffat Building Group» ج ش س جۇمىستىڭ 98%-ىن اتقارعان، وبەكتىنى ىسكە قوسۋ 20 قاراشاعا جوسپارلانعان. كەلەر جىلدىڭ كوكتەمىنەن باستاپ ۋچاسكەنى جاسىلداندىرۋ جۇمىستارى قولعا الىنادى. قاراشانىڭ سوڭىنا دەيىن مەدەۋ مەن شىمبۇلاققا باراتىن جولدىڭ تاۋ بوكەتەرلەرى نىعايتىلاتىن بولادى.

جۇمىس ساپارى بارىسىندا باۋىرجان بايبەك «باعاناشىل» ىقشام اۋدانىنداعى جۇمىستى دا تەكسەردى. جوبالاۋشىلار توپىراقتىڭ قۇرامى مەن سەيسميكالىق جاعدايىن ەسكەرە وتىرىپ، تىرەك قابىراعسىن جاساعان. ءقاۋىپتى ۋچاسكەنىڭ جالپى ۇزىندىعى 200 مەتر. قازىرگى كەزدە مۇندا بارلىق جۇمىستىڭ 70%-ى ورىندالعان، سايلى جەرلەردى كەسۋ جانە توپىراقتى سىرتقا شىعارۋ جۇمىستارى جۇرۋدە.

«تەحنولوگيالىق كۇردەلى جوبا. ۋچاسكەدە 40 مامان، 20-دان استام تەحنيكا بىرلىگى جۇمىس ىستەۋدە. جۇمىس ەكى كەزەڭدە، ياعني تاۋلىك بويىنا جۇرۋدە. نەگىزگى جۇمىستاردىڭ بارلىعى قاراشانىڭ سوڭىندا بىتەدى»، - دەدى مەردىگەرلىك ۇيىمنىڭ ديرەكتورى ۆالەريي سولومكوي.

الماتى اكىمىنە «كىشى الماتى» وزەنى ارناسىنىڭ بويىنداعى تايروۆ كوشەسىنىڭ ۇزىندىعى 470 مەتر بولاتىن ىلديلى جەرىنىڭ گابيوندى تورمەن نىعايتىلعانى ايتىلدى.

«تۇرعىنداردان ءقاۋىپتى ايماق تۋرالى 2013 جىلدان بەرى شاعىم ءتۇسىپ كەلگەن ەدى. ىلديلى ۋچاسكەدە 150 ءۇي بار. ءقازىر نىعايتۋ جۇمىستارى تولىق ءبىتتى، 2-3 كۇننىڭ ىشىندە اباتتاندىرۋ جۇمىستارىن دا اياقتايمىز»، -دەدى «ارىس لتد» ج ش س مەردىگەرلىك ۇيىمىنىڭ باس ديرەكتورى قۋات تاجماعامبەتوۆ.