شقو-دا قازاقستان حالىقتارى اسسامبلەياسىنىڭ مۇشەلەرىنە ايماقتاعى بىرلىك پەن كەلىسىمدى نىعايتۋعا قوسقان ۇلەسى ءۇشىن «دوستىق ۇيىنە 25 جىل» مەرەيتويلىق مەدالدارى تابىستالدى، -دەپ Qamshy.kz اقپارات اگەنتتىگى جازادى.

سالتاناتتى ءىس-شارا بارىسىندا شىعىس قازاقستان وبلىسى اكىمىنىڭ ورىنباسارى اسەم ءنۇسىپوۆا «دوستىق ءۇيىنىڭ» 25 جىلدا بىرلىك پەن كەلىسىم ۇيىنە اينالعانىن اتاپ ايتتى.

- تۋرا 25 جىل بۇرىن وسكەمەندە ەلىمىزدەگى العاشقى دوستىق ءۇيى اشىلدى. وسى جىلدار بويى سىزدەر بىرلىك، بەيبىتشىلىك جانە جاسامپازدىق جولىندا ەڭبەك ەتتىڭىزدەر. بۇگىندە سىزدەر ەلىمىزدىڭ پرەزيدەنتىنىڭ «رۋحاني جاڭعىرۋ» باعدارلاماسىنداعى جوبالاردى جۇزەگە اسىرۋعا بەلسەندى قاتىسىپ جاتىرسىزدار. سىزدەر وبلىستاعى جاس بەلسەندىلەرگە ۇلگى بولىپ تابىلاسىزدار. سىزدەرگە اتقارعان جۇمىستارىڭىز ءۇشىن شىن جۇرەكتەن العىس ايتامىن، - دەدى اسەم ءنۇسىپوۆا.

وبلىستىق قحا، ەتنومادەنيە بىرلەستىكتەردىڭ مۇشەلەرىنە گراموتالار مەن «دوستىق ۇيىنە 25 جىل» مەرەيتويلىق مەدالدارى، سونداي-اق، ەستەلىك سىيلىقتار تابىستالدى.

ەستەرىڭىزگە سالا كەتسەك، جۋىقتا سالتاناتتى مەرەيتويلىق ءىس-شارا بارىسىندا شقو اكىمى دانيال احمەتوۆ دوستىق ۇيىنە مەتاللۋرگتەر مادەنيەت ءۇيىنىڭ تاريحي عيماراتىن بەرۋ تۋرالى مالىمدەگەن بولاتىن.