شىمكەنت قالاسىندا 1 ملن 300 مىڭ قىزعالداق باداناسى وتىرعىزىلدى، دەپ جازادى Qamshy.kz اقپارات اگەنتتىگى.

قىزعالداق باداناسىن وتىرعىزۋعا قاتىستى بارلىق جۇمىستار الداعى ۋاقىتتا ءوز مارەسىنە جەتەدى. كوكتەمدە گۇلزارلاردا جايقالىپ تۇرۋ ءۇشىن بارلىق جۇمىستار قازىردەن باتساپ قولعا الىنىپ جاتىر. وتكەن جىلى قالادا 700 مىڭ قىزعالداق وتىرعىزىلسا، بيىل ول ءتىزىم ەكە ەسەگە ارتىپ وتىر.

ايتا كەتسەك، گۇلدەر قالا كوشەلەرى مەن ساياباقتارعا، گۇلزارلارعا وتىرعىزىلعان.

قىزعالداقتار كوكتەمدە تولىق جايقالىپ وسكەن كەزدە ۇلتتىق ناقىشتاعى ويۋلار مەن گەومەتريالىق فيگۋرالاردى تاماشالاۋعا مۇمكىندىك تۋماق. ا2 اينالما تاسجولىنداعى بۇل كەرەمەت كوسموستان كوزگە تۇسەدى، – دەپ وتىر كوگالداندىرۋ كومپانيالارىنىڭ وكىلدەرى.

 بۇدان بولەك، قالانى كوگالداندىرۋدا  616 قاراعاي اعاشى وتىرعىزىلعان. وتكەن جىلى قۋراپ قالعان كوشەتتەردىڭ ورنىنا مەردىگەر كومپانيا ءوز ەسەبىنەن تەگىن قىرىم قاراعايىن وتىرعىزاتىن بولادى.

«بۇل گۇلدەر كوكتەم كەلىسىمەن جايقالىپ شىعا كەلەدى. كوپ جاعدايدا گوللانديالىق قىزعالداقتاردى وتىرعىزدىق. گۇلدەر 6 ءتۇستى: سارى، قىزىل، كوك، القىزىل، سارعىلت، كۇلگىن. گۇلدەر باداناسىن قىستا وتىرعىزۋ - تاجىريبەدەن  وتكەن ءادىس» دەپ اتاپ ءوتتى كوگالداندىرۋعا جاۋاپ بەرەتىن كومپانيانىڭ وكىلى سۇلتانحان احمەتوۆ.