قازاقستاندىق وتباسىلار «نۇرلى جەر» باعدارلاماسى بويىنشا باسپاناعا يە بولۋى ءۇشىن قانشا ايلىق تابىسى بولۋى كەرەكتىگى جونىندە يدم قۇرىلىس جانە تۇرعىن ۇي-كوممۋنالدىق شارۋاشىلىق ىستەرى كوميتەتىنىڭ ءتوراعاسى مارحابات جايىمبەتوۆ ايتىپ بەردى،- دەپ Qamshy.kz اقپارات اگەنتتىگى kazpress-كە سىلتەمە بەرىپ جازادى.

«باعدارلاما ءساتتى باستالىپ كەتكەندىگى بەلگىلى. ءقازىردىڭ وزىندە ءتۇرعىن-ۇي قۇرىلىس جيناعى جۇيەسى ارقىلى سالىمشىلار سانى ميلليون ادامدى قۇرايدى. وتكەن جىلى ولاردىڭ سانى 250 مىڭعا تومەن بولاتىن. بۇل جولى ءبىز باسپانا باعاسىن مەملەكەتتىك باعدارلاما بويىنشا ەسەپتەدىك.  ايماقتاردا ءبىر شارشى مەتر 140 مىڭ تەڭگە بولسا، الماتى، استانا، اتىراۋ مەن اقتاۋ قالالارىندا – 180 مىڭ تەڭگە. مىسالى، 50 شارشى مەترلىك ەكى بولمەلى پاتەر ايماقتاردا 7 ميلليون تەڭگەنى قۇراسا، قالعان ءتورت قالادا 9 ميلليون بولارىن ەسەپتەۋگە بولادى»،-دەدى مارحابات جايىمبەتوۆ.

ونىڭ سوزىنشە، «نۇرلى جەر» باعدارلاماسى بويىنشا ءۇي الۋعا نيەتتى وتباسى 150-200 مىڭ ايلىق تابىسى بولۋى كەرەك.

«ەگەر اي سايىن 50-70 مىڭ تەڭگە تولەپ وتىراتىن بولسا، بۇل ايىنا 150-200 مىڭ تابىسى بار وتباسىلارعا لايىقتى بولادى. 7-10 جىل ىشىندە العان پاتەردىڭ قۇنىن تولىقتاي وتەۋگە بولادى»،-دەدى ول.