كەشە كەشكىسىن ۇلتتىق ۇلاننىڭ اسكەري جاساعى اقتاۋ قالاسىندا قوعامدىق ءتارتىپ پەن قاۋىپسىزدىكتى قامتاماسىز ەتۋ كەزىندە اتىس قارۋىمەن جۇرگەن بۇزاقىنى قولعا ءتۇسىردى،-دەپ جازادى Qamshy.kz اقپارات اگەنتتىگى.   

اسكەري جاساق باستىعى، جپق  قىزمەتكەرى پوليسيا سەرجانتى بەكسۇلتان دىلدابەك جانە پاترۋلشىلەر قاتارداعى جاۋىنگەرلەر جاراسقان بايمىرزا مەن نۇرسۇلتان بالتابەكوۆ باقىلاۋ مارشرۋتىمەن كەلە جاتقاندا وتتى قارۋدان اتىلعان دىبىستى ەستيدى.

شۇعىل قيمىلداعان جاۋىنگەرلەر دەرەۋ اتىس ورنىنا قاراي جىلجىپ، قارۋمەن ويناپ تۇرعان ءجاسوسپىرىمدى بايقايدى. اسكەري جاساقتى كورىسىمەن بەلگىسىز ازامات قاشا جونەلەدى. الايدا، بۇل كۇنى وعان الىسقا كەتۋ بۇيىرماسا كەرەك. شاعىن اۋداندى ءتىنتۋ بارىسىندا ءجاسوسپىرىم سىراحانالاردىڭ بىرىنەن ۇستالىپ، ماسەلەنىڭ انىق-قانىعىن انىقتاۋ ءۇشىن قالالىق ىشكى ىستەر باسقارماسىنا جەتكىزىلگەن.  

قازىرگى ۋاقىتتا ءىستىڭ ءمان-جايى انىقتالۋ ۇستىندە.