وتباسى-قوعامنىڭ باستى بايلىعى. مەملەكەتتىڭ ىرگەتاسى جانە ادام بالاسىنىڭ وسىپ-ونەتىن، قانات جاياتىن التىن ۇياسى. سوندىقتان قوعامدا وتباسىنىڭ الار ورنى ەرەكشە. وڭىردەگى وتباسى مارتەبەسىن ءوسىرىپ، ولارعا قولداۋ كورسەتۋ، حالقىمىزدىڭ ءداستۇرلى ونەرىن دامىتۋ ماقساتىندا باتىس قازاقستان وبلىسىنىڭ مادەنيەت، ارحيۆتەر جانە قۇجاتتاما باسقارماسىنىڭ قولداۋىمەن، وبلىستىق حالىق شىعارماشىلىعى ورتالىعىنىڭ ۇيىمداستىرۋىمەن وبلىستىق قازاق دراما تەاترىندا وبلىستىق «ونەر شامشىراعى» وتباسىلىق انسامبلدەر بايقاۋى ءوتتى. كەشتە تاتۋلىق پەن بىرلىكتى بيىك ۇستاپ، وبلىس اۋداندارىنىڭ نامىسىن ارقالاي كەلگەن  10  وتباسىلىق انسامبل باقتارىن سىنادى.

ەڭ الدىمەن  اۋدانارالىق بايقاۋدان توپ جارىپ كەلگەن  وتباسىلار  بەرىلگەن ەرەجەگە سايكەس «جاندى» داۋىستا جانە «مينۋس» فونوگرامماسى مەن اسپاپتاردىڭ سۇيەمەلدەۋى ارقىلى 10 مينۋتتان كونسەرتتىك باعدارلامالارىن كورسەتتى.

بايقاۋ بارىسىندا كوپشىلىكتىڭ كوڭىلىنە شاتتىق ۇيالاتقان وتباسى مۇشەلەرى وزدەرىن ءار قىرلارىنان تانىتىپ، قالىن قاۋىمدى تامساندىرا ءتۇستى، ياعني ءبىرى قازاقتىڭ قاسيەتتى قارا دومبىراسى، ەكىنشىسى ەسترادالىق جانر، بايان، ال ءۇشىنشىسى ونەرىن بيمەن ءورىپ،ءسۇيسىندىردى.

ونەر دوداسىنا قازاقستان رەسپۋبليكاسىنىڭ حالىق اعارتۋ ءىسىنىڭ ۇزدىگى، «ەرەن ەڭبەگى ءۇشىن» مەدالىنىڭ يەگەرى، حالىقارالىق، رەسپۋبليكالىق بايقاۋلاردىڭ لاۋرەاتى، حالىقتىق قابييەۆتار جانۇيالىق ءانسامبلىنىڭ جانە «قىز جىبەك» تەرمەشىلەر ءانسامبلىنىڭ جەتەكشىسى، سازگەر، انشى-تەرمەشى بايان قابييەۆا جانە «ەرەن ەڭبەگى ءۇشىن» مەدالىنىڭ يەگەرى، قازاقستان كومپوزيتورلار وداعىنىڭ مۇشەسى، ع.قۇرمانعالييەۆ اتىنداعى وبلىستىق فيلارمونيانىڭ انشى-كومپوزيتورى جاسكەلەڭ عايساعالييەۆ، سونداي-اق ق ر ەڭبەك سىڭىرگەن قايراتكەرى، قازاق دراما تەاترىنىڭ اكتريساسى باقتىگۇل جاقىپوۆا، حالىقارالىق بايقاۋلاردىڭ لاۋرەاتى، ع.قۇرمانعالييەۆ اتىنداعى وبلىستىق فيلارمونياسى «نازەركە» حالىق بي ءانسامبلىنىڭ جەتەكشىسى اقمارال تاسبولاتوۆا، ع.قۇرمانعالييەۆ اتىنداعى وبلىستىق فيلارمونياسىنىڭ  «ورال سازى» فولكلورلىق ءانسامبلىنىڭ جەتەكشىسى اسقار كەنجەعالييەۆتەر تورەلىك ەتتى.

قازىنالى قازاق ونەرىن جوعالتپاي، ۇلتتىق ونەر جەلىسىن اتادان-بالاعا جالعاستىرۋشى وتباسىلىق  انسامبلدەردىڭ ەڭ جۇيرىكتەرى انىقتالىپ، جۇلدەلى ورىندار مەن ديپلوم، العىس حاتتارمەن ماراپاتتالدى.

بايقاۋ قورىتىندىسى بويىنشا باس جۇلدە جانىبەكتىك كارىموۆتەرگە،               ءى ورىندى  قازتالوۆتىق حاسانوۆتار،  ءىى ورىندى زەلەنوۆتىق اعايىندى سيسەنوۆتەر، قاراتوبەلىك بايتەمىروۆتەر يەلەنسە، ءىىى ورىن تەرەكتىلىك قابييەۆتەر، شىڭعىرلاۋلىق بايعالييەۆتار، بورلىلىك بوتاشيەۆتار وتباسىلىق انسامبلنە بۇيىردى.

گالا كونسەرت شىمىلدىعىن "مەرەيلى وتباسى - 2016"  وبلىستىق بايقاۋىنىڭ جەڭىمپازدارى حالىقتىق بيعالييەۆتار وتباسىلىق ءانسامبلى اشسا، كەيىن وتباسىلىق انسامبلدەر بايقاۋىنىڭ جەڭىمپازدارى كونسەرتىك باعدارلامالارىمەن جالعاستىردى. 

گۇلىم اقاپ،

باتىس قازاقستان وبلىسى