ءتىل فەستيۆالى اياسىندا استانا قالاسىندا تۇركى الەمى جاستارىنىڭ قاتىسۋىمەن حالىقارالىق "جايدارمان" ويىنى ءوتتى.

 «قازاقستان كۆن وداعى» رەسپۋبليكالىق قوعامدىق بىرلەستىگى ۇيىمداستىرعان «جايدارمانعا» قازاق ويىنشىلارىنان بولەك، العاش رەت باۋىرلاس باشقۇرتستان، قىرعىزستان، تاتارستاننان كەلگەن كوماندالارمەن بىرگە وزبەك جانە ۇيعىر جاستارىنىڭ قۇرامالارى قاتىستى.

 بۇل ويىن كورەرمەنگە قۋانىش سىيلاعان ساپالى ازىلدەرىمەن عانا ەمەس، ءبىرىڭعاي قازاق تىلىندە وتكەنىمەن دە ەرەكشەلەندى. سونىمەن بىرگە، تۇركى حالىقتارىنىڭ ءازىلى دە ورتاق ەكەنىن كورسەتتى.

 قىزىقتى ويىن ناتيجەسىندە باس جۇلدە 10 كوماندا اراسىنان سۋىرىلىپ شىققان قىرعىزستاندىق «پوزيتيۆ» توبىنا بۇيىردى. جۇلدەلى ءبىرىنشى ورىندى تاتارستان قۇراماسى جەڭىپ السا، ەكىنشى ورىندى باشقۇرتستان قۇراماسى يەلەندى. ال، وڭتۇستىك قازاقستان وبلىسى مەن قوستاناي كوماندالارى ءۇشىنشى ورىندى ءبولىستى.

 ويىنعا قازىلىق ەتكەن تۇركى اكادەمياسى حالىقارالىق ۇيىمىنىڭ (TWESCO) باسشىسى دارحان ءقىدىرالى ادەمى ازىلدەرىمەن كورەرمەن ىقىلاسىنا بولەنىپ، جاقسى ويىن ورنەگىن كورسەتكەن ۇيعىر جاستارىنىڭ «Lagman.com» كومانداسى مەن وزبەك جاستارىنىڭ «ياسسى» قۇراماسىنا اكادەميا اتىنان 250 مىڭ تەڭگەلىك سەرتيفيكاتتاردى تابىستادى.