وسكەمەن قالاسىندا جىل ساناپ جىلۋ تاپشىلىعى سەزىلىپ كەلەدى. بۇل تۋرالى 24.kz جازادى. ءقازىردىڭ وزىندە ساعاتىنا 250 گيگاكالورياعا جەتكەن. قالادا سوڭعى 10 جىلدا ءوندىرىس پەن ءتۇرعىن-ۇي قۇرىلىسى قارقىندى جۇرگەندىكتەن وتكەن عاسىردىڭ ورتاسىندا سالىنعان جىلىتۋ ورتالىقتارىنىڭ قۋاتى تولىق جەتپەي جاتىر. سوندىقتان وسى سالانىڭ ماماندارى شاھارعا تاعى ءبىر جىلىتۋ ورتالىعىن سالۋ ماسەلەسىن ۇزدىكسىز كوتەرىپ كەلەدى.  الەۋمەتتىك-ماڭىزى بار ستراتەگيالىق نىسان قاشان سالىنادى؟ وسكەمەن قالاسىندا ءقازىر ەكى جىلىلىتۋ ورتالىعى بار.

ەكەۋى دە وتكەن عاسىردا سول كەزەڭدەگى حالىق سانى مەن وندىرىستىك قۋتاقا ەسەپتەلىپ سالىنعان.  ال بۇگىندە قالا تۇرعىندارىنىڭ سانى 300 مىڭنان اسادى. جىل سايىن كەم دەگەندە 5-6 الەۋمەتتىك نىسان پايداعا بەرىلەدى. ءوندىرىس ورىستەگەن  سايىن، جىلۋعا دا تاپشىلىق بايقالادى. سوندىقتان  وسكەمەن جىلۋ ەلەكتر ورتالىعى» قوسىمشا  ءنومىرى 16-شى قازاندىقتى سالۋدى 2016-جىلى جوسپارلاعان. وعان  شامامەن 30  ميلليارد تەڭگە قاجەت. 

 جىلۋعا دەگەن تاپشىلىقتى  جويۋ ءۇشىن  تاعى ءبىر ورتالىق كەرەك ەكەنىن  ەنەرگەتيكتەر  سوڭعى 5 جىلدا ۇزدىكسىز ايتىپ كەلەدى. 2014-جىلى تەحنيكالىق نەگىزدەمەسى دە دايىن بولعان. ءبىراق ستراتەگيالىق نىساندى سالۋعا ازىرشە قارجى جوق.

الدىن الا جاسالعان تەحنيكالىق نەگىزدەمە بويىنشا جاڭا ورتالىق سالىنسا، ساعاتىنا ءبىر مىڭ گكالوريا جىلۋ، 400 مەگاۆۆات ەلەكتر وندىرەدى.  ءبىراق  ستراتەگيالىق ماڭىزدى نىسانعا قانشا قارجى قاجەت ەكەنى جانە قۇرىلىسى قاشان باستالاتىنى ازىرشە بەلگىسىز.