سارىاعاش اۋدانى "داۋلەت" بازارىنداعى الاپات ءورت كەشە ساعات 19:30-دا باستالعان دەپ حابارلايدى Qamshy.kz اقپارات اگەنتتىگى otyrar.kz-كەسىلتەمە جاساي وتىرىپ.
ق ر ءىىم تجك رەسمي وكىلى رۋسلان يمانقۇلوۆتىڭ ايتۋىنشا، ءورت سوندىرۋشىلەر وقيعا ورنىنا ءتورت مينۋتتا جەتكەن.
ءورت سوندىرۋشىلەر قىزىل جالىندى 22 مينۋتتا سوندىرگەن.
"پلاستيك بۋتيكتەر ورتەندى. ولار بەسەۋ بولعان. قازا تاپقاندار مەن زارداپ شەككەندەر جوق. ءورت 144 شارشى مەتر اۋماقتى شارپىعان"،- دەيدى ر. يمانقۇلوۆ.
ال وقيعا كۋاگەرلەرى كوتەرمە ساۋداعا شىعارىلاتىن ازىق-تۇلىك قويمالارىنىڭ تۇگى قالماي جانىپ كەتكەنىن حابارلادى. ولاردىڭ ايتۋىنشا، ساتۋشىلار تاۋارىن قۇتقارۋعا تالپىنىپتى.
"ساۋداگەرلەر تاۋارلارىنا قاراي ۇمتىلدى، پوليسيا ارەڭ ۇستاپ قالدى. قىزىل جالىندى ءورت سوندىرگىش جانە سۋمەن سوندىرۋگە تالپىنعان كۇزەتشىلەردەن باسقا زارداپ شەككەندەر جوق سياقتى"،- دەدى كۋاگەرلەردىڭ ءبىرى.
