ءبىرىنشى جاعداي كەشە كەشكىسىن ادىربەكوۆ كوشەسىنىڭ بويىنداعى «مادينا» دۇكەنىننىڭ ماڭىندا ورىن الدى. قاراقۇرىم توپتىڭ اراسىندا قاديشا اداسقان بولاتىن. قۇرامىندا قاتارداعى  مۇسا قابدراش، ەرجان ساعىندىقوۆ جانە گەنناديي كيلين بار اسكەري جاساق، سول ماڭدا قوعامدىق ءتارتىپ پەن قاۋىپسىزدىك قامتاماسىز ەتۋ بويىنشا قىزمەت بارىسىندا جىلاپ تۇرعان كىشكەنتاي قىزدى بايقايدى،-دەپ جازادى Qamshy.kz اقپارات اگەنتتىگى.

ءبۇلدىرشىن كوشەدە اتاسىمەن بىرگە سەرۋەندەپ ءجۇرىپ، ءبىر ساتتە اداسقانىن بىلمەي قالىپتى. كىشكەنتاي قاديشانىڭ سۋرەتتەۋىمەن بالانىڭ جاقىندارىن ىزدەۋگە كىرسكەن ۇلاندىقتار، كوشەدەگى ادامداردان سۇراۋ جۇرگىزەدى. اراعا جارتى ساعات سالىپ  قىزدىڭ اتاسىن تاۋىپ بەرەدى. نەمەرەسىمەن قاۋىشقان اقساقال قۇقىقتىق ءتارتىپ جاۋىنگەرلەرىنە قىراعىلىعى مەن جەدەل ارەكەتى ءۇشىن ۇلكەن العىسىن ءبىلدىردى.

ەكىنشى جاعداي دا جەكەسەنبى كۇنى كەشكى مەزگىلدە  بولعان. ۇلتتىق ۇلاننىڭ جاۋىنگەرلەرى قاتارداعى ەرنار قابىلبەك، نۇرداۋلەت سەرىك ۇلى  جانە نۇرعالي ءومىرزاقوۆ پاترۋلدەۋ باعىتى بويىنشا كەلە جاتىپ، ەكى بالانىڭ جوعالعانى تۋرالى اقپارات الادى.

ءتورت جاسار  سۇلتان جانە ەكى جاساتاعى ءمادينا ەرمەكتەر رەسپۋبليكا داڭعىلى بويىندا كوزدەن تاسا بولىپتى. وسىدان كەيىن، اسكەري جاساق تەز ارادا جوعالعان بالالاردى ىزدەۋ جۇمىستارىنا كىرىسىەدى. ۇلاندىقتاردىڭ قىراعىلىعىنىڭ ارقاسىندا  شاماسى ون بەس مينۋت ىشىندە بالالار تابىلىپ، جاقىندارىنا تاپسىرىلدى.