«Facebook» جانە «ودنوكلاسسنيكي» الەۋمەتتىك جەلىلەرىندە «ۆوستوچنوكازاحستانسى ۆسەح ستران، وبەدينيايتەس!» دەگەن پاراقشالار پايدا بولدى. بۇل پاراقشا پلانەتانىڭ ءار بۇرىشىندا جۇرگەن جەرلەستەرىمىزدىڭ باسىن قوستى، دەپ حابارلايدى Qamshy.kz اقپارات اگەنتتىگى.

«رۋحاني جاڭعىرۋ» مەملەكەتتىك باعدارلاماسىن جۇزەگە اسىرۋ اياسىندا شىعىس قازاقستاندا حالىقتىڭ پاتريوتتىق رۋحىن، كىشى وتانعا، ءوز ولكەسىنىڭ تاريحىنا دەگەن سۇيىسپەنشىلىكتى تاربەلەۋ بويىنشا بەلسەندى ءىس-شارالار جۇرگىزىلۋدە.مۇنداي جۇمىستاردىڭ ءبىزدىڭ زاماندا الەۋمەتتىك جەلىلەردە جۇرگىلۋى ءتيىمدى بولىپ تابىلاتىنى بەلگىلى. سوندىقتان وبلىس تۇرعىندارىمەن شىعىس قازاقستان تۋمالارىنىڭ رۋحاني بىرلىگىن ساقتاۋ ماقساتىندا Facebook» جانە «ودنوكلاسسنيكي» الەۋمەتتىك جەلىلەرىندە «ۆوستوچنوكازاحستانسى ۆسەح ستران، وبەدينيايتەس!»، «ينستاگرام» جانە «ۆكونتاكتەدە» - «I love VKO» اتتى   ارنايى پاراقشالار قۇرىلدى. مۇندا ايماق تۇرعىندارى مەن باسقا جەرلەردە جۇرگەن جەرلەستەرىمىزدى حاباردار ەتۋ ءۇشىن وبلىستا بولىپ جاتقان ماڭىزدى جاڭالىقتار تۋرالى اقپاراتتىق ماتەريالدار جاريالانىپ وتىرادى. وسى ينتەرنەت-قوعامداستىقتىڭ ارقاسىندا ادامدار اراسىندا جوعالعان بايلانىستار ورناتىلىپ، الىس-جاقىن شەتەلدەردەگى شىعىسقازاقستاندىقتار ءوز وتانى تۋرالى جاڭالىقتاردى وقىپ وتىرۋ مۇمكىندىگە يە بولدى.

سونىمەن قاتار، جۋىقتا اتالعان پاراقشالاردا تۋعان ولكە تۋرالى فوتو-بەينەكونكۋرس جاريالاۋ جوسپارلانىپ وتىر. ۇزدىك جاريالانىمدار بويىنا جەڭىمپاز اتانعاندار اقشالاي سىيلىق الادى.

قازاقستانداعى بۇل پيلوتتىق جوبا ايماقتاعى جانە باسقا دا جەرلەردەگى جەلى قولدانۋشىلارىنىڭ ورتاسىندا تانىمالدىققا يە بولىپ ۇلگەردى. الەۋمەتتىك جەلىلەرگە https://www.facebook.com/groups/ilovevko/  https://www.instagram.com/i_love_vko/ سىلتەمەلەرى ارقىلى جازىلۋعا بولادى.