اقمولا وبلىسىندا 100 مىڭ تەڭگەگە 20 جاستاعى قىزدى ساتپاق بولعان كۇدىكتى ۇستالدى، — دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساي وتىرىپ.

ءىىد باسپا ءسوز قىزمەتىنىڭ مالىمەتى بويىنشا ءىىد ۇيىمداسقان قىلمىسپەن كۇرەس باسقارماسىنىڭ قىزمەتكەرلەرىنە قاراشا ايىندا ەر ادامنىڭ 20 جاستاعى بەيجەتكەندى 100 مىڭ تەڭگەگە ساتقىسى كەلەتىندىگى جونىندە اقپارات تۇسكەن.

«ساۋدانىڭ قاشان جانە قاي جەردە وتكىزىلەتىن انىقتاۋ بويىنشا كەشەندى شارالار جۇرگىزىلدى. ناتيجەسىندە 22 قاراشادا كۇدىكتى ساتىپ الۋشىدان «ءتىرى تاۋار» ءۇشىن سۇراعان اقشاسىن الىپ جاتقاندا قولعا ءتۇستى. كۇدىكتى 21 جاستاعى كوكشەتاۋلىق بولىپ شىقتى. كۇدىكتىنىڭ تۇسىنىكتەمەسىنە قاراعاندا ول استانا قالاسىندا اتباسار اۋدانىنىڭ تۋماسى 20 جاستاعى قىزبەن تانىسقان. بويجەتكەن وعان جۇمىس ىزدەپ جۇرگەنىن ايتىپ، كومەك سۇراعان. وعان كومەكتەسۋگە ۋادە بەرگەن كۇدىكتى قىزدىڭ ءوزىن ساتىپ ماسەلەسىن شەشىپ بەرمەك بولعان»، — دەپ ءتۇسىندىردى باسپا ءسوز قىزمەتىندەگىلەر.

قازىرگى كەزدە، وسى وقيعاعا بايلانىستى  ق ر قك 128-بابىنىڭ 1 ءبولىمى بويىنشا (ادام ساۋداسى) سوتقا دەيىنگى تەرگەۋ امالدارى جۇرگىزىلۋدە.