بۇل جونىندە «نۇر وتان» پارتياسى ءتوراعاسىنىڭ ءبىرىنشى ورىنباسارى مۇحتار قۇل-مۇحاممەد ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ وقىتۋشى-پروفەسسورلار قۇرامىمەن جانە ستۋدەنتتەرمەن كەزدەسۋىندە ايتتى، دەپ جازادى Qamshy.kz
– بۇگىنگى تاۋەلسىز قازاقستان – وسىدان 100 جىل بۇرىن جاريالانعان قازاقتىڭ تۇڭعىش ۇلتتىق مەملەكەتتىك قۇرىلىمى – الاش اۆتونومياسىنىڭ زاڭدى مۇراگەرى، – دەدى مۇحتار قۇل-مۇحاممەد.
سونداي-اق، «نۇر وتان» پارتياسى ءتوراعاسىنىڭ ءبىرىنشى ورىنباسارى اتىراۋ ۋنيۆەرسيتەتىنە اتى بەرىلگەن الاش قوزعالىسىنىڭ بەلدى قايراتكەرلەرىنىڭ ءبىرى حالەل دوسمۇحامەدوۆكە ايرىقشا نازار اۋدارىپ، وسىنداي تاريحي تۇلعالارىمىزدىڭ ونەگەگە تولى ءومىرىن بۇگىنگى جاس ۇرپاققا كەڭىنەن ناسيحاتتاپ، سودان ساباق الۋ كەرەكتىگىن ايتتى.
ودان بولەك، مۇحتار ابرار ۇلى اتىراۋلىق جاستاردى ساپالى ءبىلىم الىپ، الاش قايراتكەرلەرىنىڭ مول مۇراسى مەن ەڭبەكتەرىن زەرتتەۋگە، ەلباسىمىزدىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىندا ايتىلعان باسىم باعىتتاردى جۇزەگە اسىرۋ جولىندا بەلسەندىلىك تانىتۋعا شاقىردى.
قاشان دا ۇلتىمىزدىڭ اسىل قۇندىلىقتارىن قىزعىشتاي قورىپ، كەڭىنەن ناسيحاتتاپ جۇرەتىن مۇحتار قۇل-مۇحاممەد بۇل جولى دا تاريحتان تاعىلىم الۋدىڭ تاماشا ۇلگىسىن كورسەتتى. راسىمەن، بيىل ەلىمىزدە 100 جىلدىعى اتالىپ ءوتىپ جاتقان الاش قوزعالىسى مەن الاشورداشىلاردىڭ يگى ىستەرى «رۋحاني جاڭعىرۋ» باعدارلاماسىن جۇزەگە اسىرۋدا ايرىقشا ماڭىزعا يە.
