كەزدەسۋدە نۇرسۇلتان نازاربايەۆ باقىتجان ءابدىرايىمدى كاسىپوداقتار فەدەراسياسىنىڭ ءتوراعاسى لاۋازىمىنا سايلانۋىمەن قۇتتىقتاپ، ونىڭ جاڭا قىزمەتىنە تابىس تىلەدى دەپ حابارلايدى Qamshy.kz اقپارات اگەنتتىگى اقورداعا سىلتەمە جاساي وتىرىپ.
– ءسىز كوپتەگەن قىزمەت اتقاردىڭىز. رەكتور دا، ءمينيستردىڭ ورىنباسارى دا بولدىڭىز. قۇقىق قورعاۋ، ادىلەت ورگاندارىندا، جوعارعى سوتتا ەڭبەك ەتتىڭىز. زاڭ سالاسىنداعى ءبىلىمىڭىز بەن تاجىريبەڭىز مول، – دەدى قازاقستان پرەزيدەنتى.
مەملەكەت باسشىسى كاسىپوداقتار ەڭبەك قاتىناستارىن رەتتەۋدە جانە ەڭبەككەرلەر مەن جۇمىس بەرۋشىلەر اراسىندا سىندارلى ديالوگ ورناتۋدا ماڭىزدى ءرول اتقاراتىنىن اتاپ ءوتتى.
