كەزدەسۋ بارىسىندا نۇرلان نىعماتۋلين مەملەكەت باسشىسىنا زاڭ جوبالاۋ جۇمىستارى جوسپارىن ورىنداۋ اياسىنداعى پارلامەنتتىڭ تومەنگى پالاتاسىنىڭ ءۇشىنشى سەسسيا كەزەڭىندەگى قىزمەتىنىڭ قورىتىندىلارى جونىندە مالىمدەدى دەپ حابارلايدى Qamshy.kz اقپارات اگەنتتىگى اقورداعا سىلتەمە جاساي وتىرىپ.
– ءماجىلىس 24 زاڭ جوباسىن، سونىڭ ىشىندە ءۇشجىلدىق بيۋدجەتتى، سالىق، اكىمشىلىك جانە كەدەن كودەكستەرىن، بۇقارالىق اقپارات قۇرالدارى تۋرالى زاڭدى قابىلدادى. وسىلايشا، زاڭ جوبالارىنىڭ بارلىق توپتاماسى سەناتقا جولداندى، – دەدى ن.نىعماتۋلين.
كەزدەسۋ سوڭىندا ەلباسى قازاقستاننىڭ ءۇشىنشى جاڭعىرۋى ءۇردىسىن ۋاقتىلى زاڭنامالىق تۇرعىدان قامتاماسىز ەتۋ اياسىندا پارلامەنت ءماجىلىسى قىزمەتىنىڭ ماڭىزدى ەكەنىن ايتتى.
