باس پروكۋراتۋراسىندا وتكەن «كاسىپكەرلىك سالاسىنداعى پروكۋراتۋرا قاداعالاۋى» اتتى بيزنەستى قورعاۋ بويىنشا II فورۋمدا «اتامەكەن» ق ر ۇكپ ءتورالقا ءتوراعاسى تيمۋر قۇلىبايەۆ ۇلتتىق پالاتا مەن باس پروكۋراتۋرانىڭ بىرگە اتقارىپ جاتقان جۇمىستىڭ تيىمدىلىگىن ەرەكشە اتاپ ءوتتى. بۇگىندە بىرلەسە اتقارىلعان جۇمىستىڭ ناقتى ناتيجەسى ايقىن ەكەنىن ايتتى دەپ حابارلايدى Qamshy.kz اقپارات اگەنتتىگى.
«اتامەكەن» ءۇش جىل ىشىندە باس پروكۋراتۋرامەن ەتەنە جۇمىس اتقارۋدا. بۇل ورتاق الاڭ كاسىپكەرلەرگە ءتيىمدى الاڭعا اينالدى. 2016 جىلى العاشقى فورۋمدى ءساتتى وتكىزدىك، ماسەلەلەردى ايقىندادىق، قاي باعىتتا قوزعالۋ كەرەك ەكەنىن باعدارلادىق. بىلتىر وتكەن فورۋمداعى باس پروكۋراتۋرانىڭ جاڭاشىل قادامدارىنا بيزنەسمەندەر اراسىندا كۇمانمەن قاراعاندار دا بولعان، الايدا بۇگىن ايتىلعان ءىس ناتيجەسىن كورسەتۋدە. باس پروكۋراتۋرانىڭ ءرولى وزگەرىپ كەلەدى، ەندى بۇل جازالاۋشى ورگان ەمەس كاسىپكەرلەردى قورعايتىن قولداۋشى ورگانعا اينالدى. بارلىق رۇقسات بەرەتىن جۇيەلەردە ۇدەرىس جاقسى ءجۇرىپ جاتىر»، – دەدى تيمۋر قۇلىبايەۆ.
ماسەلەن، پروكۋراتۋرا ورگاندارى ءوز باستاماسىمەن كاسىپكەرلەردى تەكسەرۋدەن باس تارتتى (2016 جىلى 949 تەكسەرۋ جۇرگىزىلدى، ەندى تەكسەرۋلەر قاتاڭ تۇردە ق ر پرەزيدەنتى جانە باس پروكۋراتۋرا تاپسىرماسىمەن جۇرەدى)، سونىمەن قاتار مۇنداي تاپسىرمانى بەرۋگە وكىلەتتى پروكۋرورلار سانى دا قىسقاردى (2016 جىلى پروكۋرورلار تاپسىرماسىەن 3682 تەكسەرۋ جۇرگىزىلدى. تاپسىرمانى 683 پروكۋرور بەرە العان، ەندى 68 عانا پروكۋرور قالادى).
«اتامەكەن» ق ر ۇكپ باسشىلىعى جىل سايىن ءوڭىر كاسىپكەرلەرىمەن تۇراقتى تۇردە كەزدەسىپ، ايماق تىنىسىن بايقايدى. پروكۋراتۋرانىڭ كاسىپكەرلەرگە جاساعان قادامى وڭىردە دە بايقالا باستاعان، ايتارلىقتاي وڭ وزگەرىس بار. ءبىز قۇقىق قورعاۋ ورگاندارىنان بولاتىن قىسىم 82%-عا ازايتتىق، 2015-2016 جىلدارى 7900 قىلمىستىق ءىس قوزعالسا، ال 2017 جىلى ولاردىڭ سانى 1400 بولعان، ياعني قىلمىستىق ءىس سانى ايتارلىقتاي تومەندەدى. باقىلاۋ-قاداعالۋ ورگانداردىڭ بيزنەسكە قىسىمى ازايدى»، – دەدى ءتورالقا ءتوراعاسى.
ايتا كەتەلىك، بىلتىر امنيستيا جاسالىپ، جازالانعان 600 بيزنەسمەن كاسىپكەرلىكپەن جۇمىس ىستەۋگە رۇقسات العان. سونىڭ ناتيجەسىندە بىرلەسكەن جۇمىس ارقىلى بيزنەستىڭ انىقتالعان جۇيەلى 570 ماسەلە ىشىندە 362 ماسەلە شەشىم تاۋىپ، 58 شەشىلۋ دەڭگەيىندە بولسا، قالعان 150 ورگاندارمەن تالقىلانۋدا. «اتامەكەنگە» كەلىپ تۇسەتىن شاعىمدار سانى ازايۋدا – 2016 جىلىدڭ 9 ايى بويىنشا 5400 ءوتىنىم تۇسسە، بيىل 4000 ءوتىنىم ءتۇستى. ايتا كەتۋ كەرەك، وتىنىمدەر قۇرىلىمى دا وزگەرگەن، ەگەر بۇرىن جەر ماسەلەسى (12%) جانە سالىققا (9%)، قاتىستى بولسا، ءقازىر كوبىنە كاسىپكەرلەر اراسىنداعى داۋلار بويىنشا شاعىم باسىم –20%.
