2007 جىلى الەم اقش-تاعى قارجى داعدارىسىنىڭ سالدارىنان ۇزاققا سوزىلعان ەكونوميكالىق قۇلدىراۋ كەزەڭىنە ءتۇستى، دەپ جازادى Qamshy.kz اقپارات اگەنتتىگى. سول كەزدە ساراپشىلار ءوندىرىس كولەمىنىڭ تومەندەۋى جانە ەكونوميكالىق ءوسىمنىڭ باسەڭدەۋى ەكىنشى دۇنيەجۇزىلىك سوعىستان بەرى ەڭ ۇزاق جانە ەڭ اۋىر بولاتىندىعىن ەسكەرتتى.

كەيبىر ەلدەردە داعدارىس كەزىندە بارلىق جۇك قاراپايىم حالىققا تۇسەدى. ولاردىڭ جالاقىسى قىسقارىپ، جۇمىس ورىندارىنىڭ سانى ازايادى.

وسى كەزدە قازاقستان باسقا جولدى تاڭدادى. جۇمىس ورىن قىسقارتۋ ەمەس، كەرىسىنشە اشۋ – بۇل ءبىزدىڭ رەسپۋبليكامىزدىڭ «جۇمىسپەن قامتۋ 2020» مەملەكەتتىك باعدارلاماسىندا كورسەتىلگەن ستراتەگيا.

2012 جىلى شىعىس قازاقستانعا جۇمىس ساپارى بارىسىندا پرەزيدەنت نۇرسۇلتان نازاربايەۆ بۇل باعدارلاما ءبىزدىڭ وڭىردە قالاي جۇمىس ىستەپ جاتقاندىعىن سۇرادى. ول شەمونايحا قالاسىندا كوكونىس جانە جەمىس-جيدەك كونسەرۆىلەرىن وندىرەتىن سەح اشقان كاسىپكەر ۆلاديمير ستەپانەنكوۆپەن سويلەستى. كاسىپكەر «جۇمىسپەن قامتۋ-2020» مەملەكەتتىك باعدارلاماسىنىڭ ەكىنشى باعىتى ارقىلى 3 ميلليون تەڭگە راسىمدەپ، ارنايى جابدىقتار ساتىپ الىپ، دۇكەنىن قايتا جاڭارتادى. ونىڭ شەمونايحادا باسەكەلەستەرى جوق.

شەمونايحالىقتاردىڭ جەتىستىگى نۇرسۇلتان ءابىش ۇلىنىڭ قىزىعۋشىلىعىن تۋدىردى. پرەزيدەنتكە شەمونايحا اۋدانىمەن تەلەكوپىر ورناتىلدى. مەملەكەت باسشىسى «كامىشينسكوە» شارۋا قوجالىعىنىڭ يەسى ۆلاديمير اكۋلوۆپەن سويلەستى. ۆلاديمير اكۋلوۆ – جاڭا باعىتتاعى بيزنەسمەن. بۇرىنعى ۆەتەرينار قىردىڭ قىزىل سيىرىن ءوسىرۋ ءۇشىن ەڭ رەسپۋبليكاداعى ەڭ جاقسى شارۋا قوجالىعىن قۇرعان. وسىلايشا، «كامىشينسكوە» شارۋا قوجالىعى ءبىر ساۋىن سۋىردان ورتاشا ءسۇت ساۋۋ كورسەتكىشى بويىنشا قازاقستان رەسپۋبليكاسىندا جەتەكشى ورىنداردىڭ ءبىرىن الدى. ۆلاديمير اكۋلوۆ ۇيىمداستىرعان كاسىپورىن قىزمەتكەرلەرىنە سىياقىلار تابىستالىپ، ساناتورييلەر مەن دەمالىس ورىندارىنا جولدامالار بەرىلىپ وتىردى.

شقو كاسىپكەرلەرى ءوز ازاماتتارىنا جۇمىس ورىندارىن قۇرىپ قانا قويماي، ولارعا قامقورلىق جاسادى.

يرينا پلوتنيكوۆا