حالىقارالىق ۋران نارىعى تۇراقسىزدىققا ءتۇستى. كەيبىر ەلدەردە اتوم ەلەكتر ستانسيالارىنىڭ قالىپتى جۇمىس ىستەۋى ءۇشىن وتىننىڭ جەتكىلىكسىز بولۋ مۇمكىندىگى تۋىندادى، ال اەس جۇمىسىنداعى تەحنولوگيالىق اقاۋلار وتە ءقاۋىپتى، دەپ جازادى Qamshy.kz اقپارات اگەنتتىگى. الەمگە وسىنداي داعدارىستاردى بولدىرمايتىن از بايىتىلعان ۋران بانكىن قۇرۋ قاجەت بولدى. ءسوزسىز، وسىنداي بانك تەك تەك بەيبىت ەلدە ورنالاسۋ كەرەك. سەبەبى ول جەردە ەشكىم وسى وتىندى اتوم بومباسىن ءوندىرۋ ءۇشىن پايدالانا المايدى.

قازاقستان يادرولىق قارۋدان ءوز ەركىمەن باس تارتقان مەملەكەت. بۇل شەشىم 1992 جىلى قابىلداندى. ءبىز ەشكىمگە ءقاۋىپ توندىرمەيتىن بەيبىت ەلمىز. سونىمەن قاتار، قازاقستان اتوم ونەركاسىبىندە مول تاجىريبەگە يە.

ءۇلبى مەتاللۋرگيالىق زاۋىتى كەڭەس داۋىرىنەن بەرى اتوم ەلەكتر ستانسيالارىنا وتىن دايىنداپ، كسرو اتوم ونەركاسىبىنىڭ دامۋىنا مول سەپتىگىن تيگىزدى. سوندىقتان اتوم ەنەرگياسى جونىندەگى حالىقارالىق اگەنتتىك وسىنداي بانكتىڭ ءبىزدىڭ رەسپۋبليكامىزدىڭ اۋماعىندا ورنالاسۋىن قولدادى.

2015 جىلدىڭ ءساۋىر ايىندا قازاقستان ۇكىمەتى از بايىتىلعان ۋران بانكىن ورنالاستىرۋ تۋرالى اتوم ەنەرگياسى جونىندەگى حالىقارالىق اگەنتتىكپەن جاسالعان كەلىسىم جوباسىن ماقۇلدادى. وسى كەزدە قالا تۇرعىندارىنىڭ وسكەمەندە يادرولىق قالدىقتاردىڭ ءۇيىندىسى بولاتىندىعى ۋايىمى بوسقا بولدى. سەبەبى بانككە ءۇمز-دا كۇن سايىن وندىرىلەتىن ۋراننان باسقا، قاۋىپتىلىگى الدەقايدا از جاڭا وتىن ورنالاستىرىلدى. ءسويتىپ، ءۇلبى مەتاللۋرگيالىق زاۋىتى اتوم ەلەكتر ستانسياسىنا ارنالعان الەمدىك وتىن قورى ساقتالعان جەرگە اينالدى. بۇل قازاقستان ءۇشىن وتە بەدەلدى جوبا بولسا، وسكەمەندىكتەرگە جاڭا جۇمىس ورىندارى بولدى.

2017 جىلدىڭ تامىز ايىندا نۇرسۇلتان نازاربايەۆ استانادا تەلەكوپىر ارقىلى وسكەمەن قالاسىندا از بايىتىلعان ۋراننىڭ الەمدىك بانكىن اشتى.

يرينا پلوتنيكوۆا