2017 جىلدىڭ شىلدە ايىندا قازاقستان پرەزيدەنتى نۇرسۇلتان نازاربايەۆ جۇمىس ساپارىمەن شىعىس قازاقستان وبلىسىنا كەلدى، — دەپ جازادى Qamshy.kz اقپارات اگەنتتىگى. وسى جولى وسكەمەن ەلباسىنى ساتپايەۆ داڭعىلىنداعى «نۇرلى جول» ساياباعىنىڭ اشىلۋىمەن قۋانتتى. ساياباق الاڭى 7 ايدا ادام تانىماستاي وزگەردى. ەڭ قىزىعى ول جەرگە ۇلكەن اعاشتار وتىرعىزىلعان. بۇل ارنايى تەحنيكانىڭ ارقاسىندا جۇزەگە استى.

ساياباقتىڭ ورتاسىندا شىلىكتى، بەرەل قورعاندارىندا تابىلعان ارحەولوگيالىق جەتىستىكتەردىڭ كورمەسى ۇيىمداستىرىلدى.

نۇرسۇلتان نازاربايەۆ «مايلى داقىلدار تاجىريبە شارۋاشىلىعى» جشس-نىڭ جۇمىسىمەن تانىستى. ەلباسى وبلىس حالقىنىڭ 99%-ى بالاباقشامەن قامتاماسىز ەتىلگەندىگى رەسپۋبليكا بويىنشا ءبىرىنشى ورىنعا يە ەكەندىگىن ايتتى.

— مەن شىعىس قازاقستان وبلىسىن جاقسى كورەمىن، - دەدى پرەزيدەنت، — سەبەبى بۇل وڭىردە مەتاللۋرگيا، حيميا، ءتۇستى مەتالل، اۋىل شارۋاشىلىعى، ماشينا قۇراۋ سىندى سالالاردىڭ بارلىعى قامتىلعان.

ءبىز دە ءوز ءوڭىرىمىزدى جاقسى كورەمىز. سۇيىكتى ولكەمىزدە ءارقاشان جاڭا ساياباقتار اشىلىپ، جاڭا جوعارى تەحنولوگيالىق وندىرىستەر قۇرىلىپ، ارحەولوگيالىق اشۋلار كوبەيە بەرسىن. شىعىس قازاقستان جىلدان جىلعا ءوسىپ، دامي بەرسىن. مەرەكەلەرىڭىز قۇتتى بولسىن، قادىرمەندى جەرلەستەر!