1986 جىلى نۇرسۇلتان نازاربايەۆ قاساق ءسسر-ى مينيسترلەر كەڭەسىنىڭ ءتوراعاسى بولدى. ول سول كەزدە وداقتاس رەسپۋبليكالاردىڭ ىشىندەگى "پرەمەر-مينيسترلەردىڭ" ەڭ جاسى ەدى، دەپ جازادى Qamshy.kz اقپارات اگەنتتىگى.
1986 جىلدىڭ اقپان ايىندا وتكەن قازاقستان كوممۋنيستىك پارتياسىنىڭ XVI سەزىندە نازاربايەۆ دىنمۇحاممەد قونايەۆتان كەيىن بايانداما جاسادى. جاس، ءارى بەلسەندى پرەمەر-مينيستر رەسپۋبليكاداعى جاعدايدى ەرەكشە سىنعا الدى. ول رەسپۋبليكانىڭ ودان ءارى دامۋى ءۇشىن جوسپارلى كورسەتكىشتەردىڭ ورىندالماۋىن جاسىرماۋدى ايتىپ، تامىر-تانىستىق پەن سىبايلاس جەمقورلىققا جول بەرمەۋگە شاقىردى.
ءوز بايانداماسىندا ول وبلىستارعا قاجەتتى قۇرىلىستاردىڭ ورنىنا كەرەكسىز عيماراتتاردىڭ سالىنۋى سىندى جوسپاردان تىس جۇرگىزىلەتىن قۇرىلىس جۇمىستارىن سىنادى. مۇنداي جاعداي سول كەزدە شىمكەنت، قاراعاندى جانە شىعىس قازاقستان وبلىستارىندا ەرەكشە بايقالاتىن.
بۇل سىننان سوڭ جاس رەفورماتوردىڭ باسىنا قارا بۇلت ءۇيىرىلدى. دەگەنمەن، ول ءار ماسەلەنىڭ باسىن اشىپ، شىندىقتى ايتۋ جولىنان تايعان جوق.
