استانادا 2017 جىلعى 10 قاراشادا 2017 وقۋ جىلىنىڭ قورىتىندىسى بويىنشا قورعانىس مينيسترلىگى اسكەري القا ءماجىلىسىنىڭ كەڭەيتىلگەن وتىرىسى ءوتتى.

القا ءماجىلىسىنىڭ جۇمىسىنا پرەزيدەنتتىڭ كومەكشىسى – قازاقستان رەسپۋبليكاسى قاۋىپسىزدىك كەڭەسىنىڭ حاتشىسى ۆلاديمير جۋماكانوۆ، ق ر باس اسكەري پروكۋرورى ەرعالي مەرزادينوۆ، قورعانىس مينيسترلىگىنىڭ باسشىلىعى، دەپارتامەنتتەر مەن باسقارمالاردىڭ باسشىلارى، تۇرلەر باس قولباسشىلارى، وڭىرلىك قولباسشىلىق اسكەرلەرى مەن اسكەر تەكتەرىنىڭ قولباسشىلارى، بريگادا، پولك، اۆياسيالىق جانە اۆياسيالىق-تەحنيكالىق بازالاردىڭ، ساقتاۋ بازالارىنىڭ، وقۋ-جاتتىعۋ ورتالىقتارىنىڭ، ارسەنالداردىڭ كومانديرلەرى، اسكەري جوعارى وقۋ ورىندارىنىڭ، قورعانىس ىستەرى جونىندەگى دەپارتامەنتتەرىنىڭ، اسكەري پوليسيا ورگاندارىنىڭ باستىقتارى، سەرجانتتار قۇرامى جانە اسكەري قىزمەتشىلەردىڭ وتباسى مۇشەلەرىمەن جۇمىس قىزمەتىنىڭ باسشىلارى قاتىستى.

كۇن تارتىبىندە اسكەرلەردىڭ جاۋىنگەرلىك ازىرلىگى مەن جاۋىنگەرلىك قابىلەتتىلىگىنىڭ، ماتەريالدىق-تەحنيكالىق قامتاماسىز ەتىلۋىنىڭ جاي-كۇيى، الداعى جىلعا قارۋلى كۇشتەردىڭ ينفراقۇرىلىمىنىڭ دامۋى ماسەلەلەرى تالقىلاندى. ودان باسقا، ق ر قك-دەگى سىبايلاس جەمقورلىققا قارسى قىزمەتتىڭ، اسكەري ءتارتىپ پەن قۇقىقتىق ءتارتىپتىڭ، اسكەري قىزمەتشىلەردىڭ وتباسى مۇشەلەرىمەن، قارۋلى كۇشتەردىڭ ارداگەرلەرىمەن جۇمىس جانە اسكەري-پاتريوتتىق جۇمىستىڭ ۇيىمداستىرىلۋىنىڭ قورىتىندىسى شىعارىلدى.  

القا وتىرىسى بارىسىندا ق ر قورعانىس ءمينيسترى 2018 جىلى اسكەرلەردى دايارلاۋداعى نەگىزگى كۇش-جىگەردى مەملەكەتتىڭ اسكەري قاۋىپسىزدىگىن قامتاماسىز ەتەتىن دەڭگەيدە باسقارۋ ورگاندارى مەن اسكەرلەردىڭ جاۋىنگەرلىك جانە جۇمىلدىرۋ ازىرلىگىن ۇستاپ تۇرۋعا شوعىرلاندىرۋدى ايقىندادى. 2017-2020 جىلدارعا ارنالعان قازاقستان رەسپۋبليكاسىنىڭ ۇلتتىق قاۋىپسىزدىك ستراتەگياسى جانە قازاقستان رەسپۋبليكاسىنىڭ اسكەري دوكتريناسىمەن بەلگىلەنگەن تاپسىرمالار شەڭبەرىندە اسكەرلەردىڭ (كۇشتەردىڭ) جاۋىنگەرلىك قابىلەتتىلىگىن ارتتىرۋ جونىندە كەشەندى شارالار قابىلداۋ.

2017 وقۋ جىلىنىڭ جۇمىس قورىتىندىسى بويىنشا ق ر قارۋلى كۇشتەرىنىڭ ۇزدىك بولىمشەلەرى انىقتالدى. ولار: ق ر قك اسكەري-تەڭىز كۇشتەرى، «باتىس» وڭىرلىك قولباسشىلىعى، 61993، 10216 اسكەري بولىمدەرى، الماتى قالاسىنىڭ قورعانىس ىستەرى جونىندەگى دەپارتامەنتى، 35748 اسكەري ءبولىمى اسكەري قىزمەتشىلەرىنىڭ وتباسى مۇشەلەرىمەن جۇمىس قىزمەتى.

ق ر قارۋلى كۇشتەرىنىڭ اسكەري قىزمەتشىلەرى 2018 وقۋ جىلىن «ۇلى دالا اسكەرى – ماڭگىلىك ەل تىرەگى!» اتتى ۇرانمەن وتكىزەتىنىن ايتا كەتۋ قاجەت.